पुणे - शहरालगतच्या प्रस्तावित रिंग रोडमध्ये अधिग्रहीत जमिनीचा सातबारा आणि 'आठ अ' उताराच्या प्रतीसाठी लाच मागितल्याप्रकरणी तीन महिला तलाठ्याविरुद्ध लाचलुचपत प्रतिबंधक विभागाने कारवाई केली आहे. याप्रकरणी खडक पोलिस ठाण्यात गुन्हा दाखल करण्यात आला आहे..हवेली तालुक्यातील सांगरुळ, बहुली आणि खडकवाडी येथील महिला तलाठ्यांवर ही कारवाई करण्यात आली आहे. याबाबत एका ४२ वर्षीय व्यक्तीने लाचलुचपत प्रतिबंधक विभागाकडे तक्रार दिली होती. त्यांचा जमीन खरेदी-विक्रीचा व्यवसाय आहे..त्यांना हवेली तालुक्यामधील सांगरूण, बहुली, खडकवाडी आणि कुडजे या गावातील प्रस्तावित रिंग रोडमध्ये अधिग्रहीत झालेल्या जमिनीच्या सातबारा आणि आठ अ उताऱ्याच्या साक्षांकित प्रती हव्या होत्या. त्यासाठी लाच मागितल्याची तक्रार प्राप्त झाल्यानंतर लाचलुचपत प्रतिबंधक विभागाकडून पडताळणी करण्यात आली. त्यात त्यांनी अनुक्रमे चार हजार रुपये, साडेसहा हजार आणि दीड हजार रुपये लाच घेतल्याचे समोर आले..पोलिस अधीक्षक शिरीष सरदेशपांडे, अतिरिक्त पोलिस अधीक्षक अजित पाटील, अर्जुन भोसले यांच्या मार्गदर्शनाखाली पोलिस निरीक्षक शैलजा शिंदे आणि त्यांच्या पथकाने ही कारवाई केली. पुढील तपास पोलिस निरीक्षक खंडेराव रंजवे करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
