‘एएफएमसी’ व पुणे विद्यापीठात सामंजस्य करार

पुणे - कोरोनाच्या (Corona) पार्श्वभूमीवर सावित्रीबाई फुले पुणे विद्यापीठाकडून (Pune Univerisity) आरोग्य क्षेत्रातील संशोधनाला प्राधान्य दिले जात आहे. त्याचाच एक भाग म्हणून विद्यापीठाने आर्म फोर्सेस मेडिकल कॉलेज (एएफएमसी) (AFMC) समवेत सामंजस्य करार (Reconciliation Agreement) केला. या करारावर गुरुवारी स्वाक्षऱ्या झाल्या. (AFMC and Pune University Reconciliation Agreement)

आरोग्य क्षेत्रात काम करणारे सर्व प्राध्यापक, संशोधक व प्रत्यक्ष काम करणारे डॉक्टर एकत्र आले, तर नक्कीच या क्षेत्रात मोठी कामगिरी करता येईल, असा विश्वास सावित्रीबाई फुले पुणे विद्यापीठाचे कुलगुरू डॉ. नितीन करमळकर यांनी व्यक्त केला. करारांतर्गत अध्यापक, संशोधन, प्रयोगशाळा, शैक्षणिक कार्यक्रम, माहिती आदींचे आदानप्रदान होणार असून, विद्यार्थ्यांना इंटर्नशिपचीही संधी मिळेल.

या वेळी प्र-कुलगुरू डॉ. एन. एस. उमराणी, कुलसचिव डॉ. प्रफुल्ल पवार, ‘एएफएमसी’चे ब्रिगेडियर इनचार्ज अजय श्रीवास्तव, लेफ्टनंट कर्नल ए. डब्ल्यू. काशीफ, विद्यापीठाच्या विज्ञान व तंत्रज्ञान विद्याशाखेचे अधिष्ठाता डॉ. मनोहर चासकर, नवोपक्रम, नवसंशोधन व साहचर्य विभागाच्या संचालिका डॉ. अपूर्वा पालकर आदी उपस्थित होते.