पुणे : शहरामध्ये चोरीचे गुन्हे करुन फरारी असलेल्या आरोपीस तब्बल चौदा वर्षांनी गुन्हे शाखेच्या युनीट दोनच्या पथकाने बेड्या ठोकल्या. चोरट्याने हडपसर पोलिस ठाण्याच्या हद्दीत चोरीचे बारा गुन्हे केले होते.
मोहीद्दीन उर्फ मोहिशिन शब्बीर इराणी (रा.शिवकृपा झोपडपट्टी, शिवाजीनगर) असे अटक केलेल्या संशयित आरोपीचे नाव आहे. पोलिस कर्मचारी गुन्हे यशवंत खंदारे आणि कादीर शेख हे त्यांच्या कार्यक्षेत्रातील फरारी आरोपींचा शोध घेत होते. त्यावेळी त्यांना चोरीच्या गुन्ह्यात फरारी असलेला इराणी हा शिवाजी रोड परिसरात थांबला असल्याची खबर मिळाली.
त्यानुसार, पोलिसांनी त्यास ताब्यात घेऊन त्याच्याकडे गुन्ह्याबाबत तपास केला. त्यावेळी इराणी याने त्याचा साथीदार शेरखान उर्फ गुलमिर्झा ईराणी याच्यासह चोरीचे गुन्हे केल्याची कबुली दिली. ईराणी हा सराईत गुन्हेगार असून त्याच्यावर चोरीसह फसवणुकीचे देखील गुन्हे दाखल आहेत. वरिष्ठ पोलिस निरीक्षक महेंद्र जगताप यांच्या मार्गदर्शनाखाली पथकाने ही कारवाई केली.
- पुण्याच्या बातम्या वाचण्यासाठी येथे ► क्लिक करा
(Edited by : Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.