उरुळी कांचन : भवरापूर येथील मुळा-मुठा नदीत कॅब चालकाचा खून करून मृतदेह फेकल्याच्या प्रकरणात अडकलेल्या पाच आरोपींचा तब्बल साडेचार वर्षांनी न्यायाधीश डी. पी. रागीट न्यायालयाने निर्दोष मुक्तता केली आहे. आरोपींविरुद्ध कोणताही ठोस पुरावा सादर न करता आल्यामुळे हा निर्णय देण्यात आला. सदर ही घटना ३ जानेवारी २०२१ रोजी घडली होती. योगेश गर्जे (वय २५) असे खून झालेल्या कॅब चालकाचे नाव आहे.