पंधरा दिवसांपूर्वी झालेल्या अवकाळी पाऊस आणि भीषण गारपीटीमुळे पणदरे, धुमाळवाडी आणि पवईमाळ परिसरातील ऊस, केळी, आंबा व चारा पिकांचे मोठे नुकसान झाले होते.
Sakal
माळेगाव : पणदरे (ता. बारामती) पंचक्रोशीत धुमाळवाडी, पवईमाळ आदी परिसरात अवकाळी पाऊस व गारपीटीमुळे बाधित झालेल्या सुमारे २५० एकर क्षेत्रातील पिकांना दिलासा देण्यासाठी माळेगाव सहकारी साखर कारखान्याच्या संचालक योगेश जगताप व स्वप्नील जगताप यांनी पुढाकार घेत मोफत औषधे व ड्रोनद्वारे फवारणी करून दिली. या उपक्रमामुळे शेतकरी वर्गात समाधान व्यक्त होत आहे.