केंद्रीय अर्थसंकल्पावर आमदार नारायण पाटील यांची प्रतिक्रिया

अर्थसंकल्पात शेती आणि ग्रामीण भागासाठी निगडीत असलेल्या अनेक चांगल्या योजनांना वाढीव निधी राखून ठेवून बळकटी देण्यात आली आहे. तसेच शेती ओलिताखाली यावी म्हणून उपसा सिंचन योजनांनाही राज्यांना ठराविक आर्थिक मदत देण्याचे धोरण पुढे चालू ठेवले आहे. यामुळे करमाळा विधानसभा मतदारसंघातील विशेषतः करमाळा तालुक्यातील उत्तर भागासाठी महत्वाची वरदायिनी ठरू पाहणाऱ्या नियोजित रिटेवाडी उपसा सिंचन यौजनेबाबतीत राज्य सरकारही सकारात्मक राहू शकणार आहे. ही बाब शेतकऱ्यांना सुखावणारी आहे. बाकी ग्रामीण भागातील मतदार संघात मोठे उद्योग निर्माण होऊन सुशिक्षित बेरोजगारांना नोकरीची संधी मिळाली पाहिजे यासाठी आणखी ठाम धोरणात्मक निर्णय घेतले गेले पाहिजेत.
- नारायण पाटील, आमदार, करमाळा