दादा....पाच लाखांची मागणी प्रांत करत आहेत... | Sakal
sakal

बोलून बातमी शोधा

ajit pawar farmer allegation on Dadasaheb Kamble demand five lakh pune

पाच लाखांची लाच मागितली! शेतकऱ्याने अजित पवारांसमोर मांडली व्यथा

बारामती - स्वत:च्या गावातच दस्तुरखुद्द उपमुख्यमंत्री अजित पवार यांच्यासमोरच एका ग्रामस्थाने थेट उपविभागीय अधिकारी दादासाहेब कांबळे यांच्यावर कामासाठी पैसे मागितल्याचा आरोप केला आणि काही काळासाठी तणावाचे वातावरण निर्माण झाले होते. काटेवाडी येथे एक तास राष्ट्रवादी पक्षासाठी या उपक्रमाअंतर्गत स्वत: अजित पवार यांनीच आज वेळ देत लोकांचे म्हणणे ऐकून घेतले. लोकांशी चर्चा करत असतानाच एका शेतक-याने उभे राहत भूसंपादनाच्या कामामध्ये पोटहिस्से करुन दिले नाहीत, मुद्दाम अडथळे आणले, पाच लाखांची मागणी केली असा जाहिर आरोपच केला. थेटपणे झालेल्या या आरोपानंतर काही काळ वातावरणातही तणाव निर्माण झाला.

दादासाहेब कांबळे यांनीही तातडीने भूसंपादन प्रक्रीयाच झालेली नाही त्या मुळे हा आरोपच चुकीचा असल्याचे अजित पवार यांना सांगितले. अजित पवार यांनी दोन्ही बाजू ऐकून घेतल्यानंतर संबंधित शेतकरी अजित देवकाते यांची समजूत काढण्याचा प्रयत्न केला. आपल्या दोघांच नाव एकच आहे, मी इतक्या संयमाने बोलतो आहे, तुम्ही पण शांततेने घ्या, जे काही काम असेल ते मार्गी लावून देतो, असे सांगत या विषयावर पडदा पाडला.

नंतर झाली खमंग चर्चा.....

या प्रकाराची कार्यक्रमानंतर मात्र खमंग चर्चा झाली. अनेकांकडून अनेक सुरस कहाण्या सांगितल्या गेल्या. दादांनी कडक भूमिका घ्यायलाच हवी अशीही मागणी काही ग्रामस्थांनी केली. प्रशासकीय भवन येथे अनेक कार्यालयात दलालांचा वावर आणि होणारी अडवणूक या बाबतही आता अजित पवार यांच्याकडेच तक्रारी करणार असल्याचे ग्रामस्थांनी बोलून दाखविले.

Web Title: Ajit Pawar Farmer Allegation On Dadasaheb Kamble Demand Five Lakh Pune

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top