esakal | अजित पवारांनी पुण्यातील तळजाई वनउद्यान अन् 'या' रस्त्यांचा प्रश्न लावला मार्गी  
sakal

बोलून बातमी शोधा

dada-y.jpg

पाचगाव-पर्वती येथील तळजाई वनउद्यानात निसर्ग पर्यटन विकास आराखड्यासाठी १३ कोटी रुपये उपलब्‍ध करुन दिले जातील, अशी माहिती उपमुख्‍यमंत्री व पुणे जिल्‍ह्याचे पालकमंत्री अजित पवार यांनी दिली.

अजित पवारांनी पुण्यातील तळजाई वनउद्यान अन् 'या' रस्त्यांचा प्रश्न लावला मार्गी  

sakal_logo
By
सकाळवृत्तसेवा

पुणे : पाचगाव-पर्वती येथील तळजाई वनउद्यानात निसर्ग पर्यटन विकास आराखड्यासाठी १३ कोटी रुपये उपलब्‍ध करुन दिले जातील, अशी माहिती उपमुख्‍यमंत्री व पुणे जिल्‍ह्याचे पालकमंत्री अजित पवार यांनी दिली. विभागीय आयुक्त कार्यालयात 'तळजाई वन उद्यान विकास आराखड्या'बाबत अजित पवार यांच्या अध्यक्षतेखाली बैठक झाली. यावोळी त्यांनी वरिल निर्णय जाहीर केला.

पुण्याच्या बातम्या वाचण्यासाठी येथे ► क्लिक करा

यावेळी सामान्य प्रशासन विभागाचे राज्यमंत्री दत्तात्रेय भरणे, आमदार माधुरी मिसाळ, स्थायी समितीचे अध्यक्ष हेमंत रासने, पुणे मनपा आयुक्त शेखर गायकवाड, अतिरिक्‍त आयुक्‍त रुबल अगरवाल, उपवन संरक्षक श्रीलक्ष्‍मी, नगरसेवक सर्वश्री आबा बागूल, आश्विनी कदम, सुभाष जगताप, माजी नगरसेवक आणि इतर पदाधिकारी उपस्थित होते.

पुणे जिल्‍ह्याच्‍या विकासकामांसाठी कोणतीही आडकाठी आणली जाणार नाही, असे स्‍पष्‍ट करुन अजित पवार यांनी पुणे शहराच्‍या दृष्टीने चांगल्‍या गोष्‍टी व्‍हाव्‍यात म्हणून पाचगाव-पर्वती या वनक्षेत्राचा निसर्ग पर्यटन आराखडा तयार करुन त्‍यास नागपूर येथील महाराष्‍ट्र निसर्ग पर्यटन विकास मंडळाची मंजूरी घेतलेली आहे. या आराखड्यासाठी राज्‍य शासनाच्‍यावतीने १३ कोटी रुपये उपलब्ध करुन दिले जातील असे सांगितले.

ताज्या बातम्यांसाठी डाऊनलोड करा ई-सकाळचे ऍप   

यानंतर बैठकीत सेनापती बापट रोड ते पंचवटी पर्यायी रस्‍ता, मॉडर्न कॉलेज येथील पर्यायी रस्‍त्‍याबाबतही चर्चा झाली. यावेळी आमदार सिध्‍दार्थ शिरोळे, जिल्‍हाधिकारी नवल किशोर राम, पुणे मनपा आयुक्त शेखर गायकवाड, पुणे प्रदेश विकास प्राधिकरणाचे महानगर आयुक्‍त विक्रमकुमार, अतिरिक्‍त आयुक्‍त रुबल अगरवाल, उपवन संरक्षक श्रीलक्ष्‍मी, निवासी उपजिल्‍हाधिकारी डॉ. जयश्री कटारे आदी उपस्थित होते.