पुणे : मेट्रोकडून पर्यावरण कायद्याचा भंग झाल्याचा आरोप

कोथरुड : मेट्रोने पर्यावरण कायदा व बांधकाम विकास नियमावलीचा भंग केला असून त्याचे दुरगामी परिणाम आपल्या जीवनावर होणार आहेत. त्यामुळे तातडीने या विषयावर भूमिका घेण्याची गरज असल्याचे मत पर्यावरणवादी कार्यकर्ते राकेश धोत्रे यांनी व्यक्त केले. धोत्रे यांनी हरीत न्याय प्राधिकरणाकडे यासंदर्भात तक्रार दाखल केली आहे. या तक्रारीमुळे स्वारगेट मेट्रोहबसाठी पर्यावरण विभागाकडे करण्यात आलेला अर्ज  मूजुरीला विलंब लागणार आहे.

कोरोना नंतर शिवाजीनगर परिसरात आॉनलाईन साठी गर्दी वाढत आहे

धोत्रे यांनी सांगितले की, माहिती अधिकारात मिळवलेल्या माहितीमध्ये मेट्रोने अनेक ठिकाणी आवश्यक परवाने न घेता काम केल्याचे दिसते. भूजलाचा वापर, वृक्ष तोड, बीडीपी क्षेत्रात टाकलेला राडारोडा, विकास आरारखड्यावर झालेला परिणाम आदी बाबी पाहता मेट्रोच्या कामामुळे कायद्याच्या भंगाबरोबर विकास आराखड्यासह अनेक बाबीत हस्तक्षेप झालेला दिसत आहे. त्याचे दीर्घकालीन परिणाम पुण्याच्या जनजीवनावर होणार आहेत.

भावकीतील लग्नाला जाणे पडले ३.७५ लाखाला

पर्यावरण रक्षण होण्याहेतूने दिलेले निकष पूर्ण करण्यासंदर्भात तरतूदी केल्या आहेत याची खात्री करून पर्यावरण विभाग परवानगी देते. मात्र मेट्रोने तशी  परवानगीच घेतली नसल्याचे कायद्यानुसार तो गुन्हा आहे असे धोत्रे यांचे म्हणने आहे.
शिवसेना गटनेते व नगरसेवक पृथ्वीराज सुतार म्हणाले की, मेट्रोने बांधकाम विकास नियमावलीचा भंग केला आहे. टीओडी झोन मधील बांधकाम, नदीपात्रातील रेडलाईन व ब्ल्यू लाईन मधील बांधकाम, १८ मीटर रुंदीचे रस्ते व त्यापेक्षा कमी रुंदीच्या रस्त्यावरील मेट्रोचे बांधकाम यामुळे जो परिणाम होणार आहे त्याचा विचारच केलेला दिसत नाही. पावसाळ्यात मेट्रोरस्त्याच्या भागात पूरस्थिती निर्माण झाली. त्याकडे दुर्लक्ष झाले. विकास लोकांना त्रास होण्यासाठी नसावा. सगळ्यांना विश्वासाने बरोबर घेवून विकास प्रकल्प केले जावेत असे आमचे म्हणणे आहे.

- पुण्याच्या बातम्या वाचण्यासाठी येथे ► क्लिक करा

मेट्रोचे जनसंपर्क अधिकारी हेमंत सोनवणे यांनी सांगितले की, आम्हाला अजून कोणतीही नोटीस मिळालेली नाही. याचिकाकर्त्याचे काय म्हणणे आहे ते कळाले म्हणजे त्यावर बोलता येईल. मेट्रो स्थानकासाठी कोणत्याही पर्यावरणीय परवान्याची गरज नाही. जेथे मेट्रोकडून व्यावसायिक बांधकाम करणार आहोत तेथे अशा परवानग्यांची गरज लागेल. परंतु सध्या तरी असे कोणतेही काम मेट्रोकडून सुरु झालेले नाही.

(संपादन : सागर डी. शेलार)