Ambegaon Super 23 Initiative: आंबेगाव सुपर 23 उपक्रमातून विद्यार्थ्यांच्या वैज्ञानिक जिज्ञासेला चालना; माजी मंत्री दिलीप वळसे पाटील यांचा गौरवोद्गार

घोडेगाव : शिक्षण म्हणजे फक्त वर्गात शिकवलं जातं तेवढेच नसतं. पुस्तकी ज्ञानाबरोबरच व्यवहारी ज्ञान, विविध कौशल्य विद्यार्थ्यांमध्ये रुजवली पाहिजे. शिक्षणाचा दर्जा वाढवला पाहिजे. आपली मुले जगाच्या स्पर्धेत पाठवायची असतील तर शाळा शाळांतून विविध नाविन्यपूर्ण उपक्रम राबवले पाहिजेत. पंचायत समिती आंबेगाव शिक्षण विभागाने आयुकाच्या सहकार्याने राबविलेला आंबेगाव सुपर 23 उपक्रम अत्यंत स्तुत्य असून विद्यार्थ्यांच्या वैज्ञानिक व जिज्ञासूवृर्तीला वाव देणारा आहे असे गौरवोद्गार महाराष्ट्र राज्याचे माजी मंत्री दिलीप वळसे पाटील यांनी काढले.