ढेबेवाडी बालआनंद बाजारात ४० हजारांची उलाढाल
आनंदी बाजारात ४० हजारांची उलाढाल
ढेबेवाडीत जिल्हा परिषद शाळेत आयोजन; ९० स्टॉल
ढेबेवाडी, ता. १६ : येथील जिल्हा परिषद प्राथमिक शाळेने शालेय शैक्षणिक उपक्रमांतर्गत आयोजित केलेल्या आनंदी बाजारात सुमारे ४० हजारांची उलाढाल झाली. येथील पेठेतील मरिआई मंदिर परिसरात बाजार भरविला होता.
जिल्हा परिषदेची येथील प्राथमिक शाळा उपक्रमशील शाळा म्हणून परिसरात ओळखली जाते. विद्यार्थ्यांना व्यावहारिक ज्ञान मिळावे, या उद्देशाने येथे आनंदी बाजाराचे आयोजन केले होते. विद्यार्थ्यांनी ९० स्टॉल लावले होते. ग्रामस्थ, पालक, परिसरातील शाळा, अंगणवाडी व हायस्कूलमधील शिक्षक- विद्यार्थी यांनी बाजारात गर्दी केली होती. सर्वांनी या बाजारातील वस्तू खरेदी करण्याचा आनंद लुटला.
सरपंच रूपाली पाटील यांच्या हस्ते उद्घाटन झाले. मुख्याध्यापिका इंद्रायणी कदम यांनी स्वागत केले. महादेव पुजारी यांनी प्रास्ताविक केले. उपसरपंच अभिजित कडव, सदस्य सोमनाथ पाटील, कुमार कचरे, श्री. फल्ले, जमीर डांगे, प्राजक्ता फल्ले, गोरख मोहिते, सुप्रिया मोहिते, साक्षी चाळके, अबिजा मुंडे, अश्विनी मोहिते, प्रमोद रेडीज, नाना साबळे, सदस्य, ग्रामस्थ, आनंद पळसे, सुनीता नांगरे, शंकर मोहिते, कुमार यादव आदींसह शिक्षकांनी खरेदीचा आनंद लुटला. उपक्रमाच्या यशस्वितेसाठी स्वाती पाटील, उषा चव्हाण, पूनम कंक आदींसह शिक्षक, विद्यार्थ्यांनी परिश्रम घेतले.
--------------
B07990
ढेबेवाडी : आनंदी बाजारात सहभागी विद्यार्थी- विद्यार्थिनी.
--------
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.