Video : पुण्यात पुन्हा शिरला गवा; बावधन परिसरात उडाली खळबळ

पुणे : बावधान परिसरात आज सकाळी पुन्हा रानगवा दिसला आहे. दोन आठवड्यांपुर्वी कोथरुड परिसरात मानवी वस्तीत शिरलेल्या गव्याचा मृत्यू झाला होता. त्यामुळे पुन्हा असा प्रकार  घडू नये यासाठी प्रयत्न केले जात आहे. दरम्यान नागरिकांनी हायवे आणि बावधन परिसरात गर्दी करु नये असे आवाहन करण्यात येत आहे. वन विभागाची टीम घटनास्थळी पोहचली आहे असून गव्याला पकडण्यासाठी प्रयत्न सुरु आहेत.

बावधन येथील एचसीएमआरएल पाषाण तलावालगत असलेल्या भिंती जवळ पुन्हा एकदा गवा आढळून आला आहे.  या परिसरात झाड झुडपांची गर्दी असून मानवी वस्ती नाही. दरम्यान, दोन आठवड्यांपुर्वी म्हणजेच ९ डिसेंबरला पुण्यातील कोथरूड पसिरातील रानगवा शिरला होता. त्यावेळी लोकांचा अतिउत्साह आणि गर्दी पाहून बिथरलेला गवा मुख्य रस्त्यावर धावत होता. त्यानंतर वनविभागाने गव्याला ३ डार्ट मारून गव्याला बेशुध्द करण्याचा प्रयत्न करत गव्याला ताब्यात घेतले होते. अखेर त्या गव्याचा मृत्यू झाला.  दरम्यान, मागच्यावेळी झालेला प्रकार पुन्हा घडू नये यासाठी यावेळी प्रयत्न केले जात आहे.  

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

दरम्यान, वनविभागाची टिम घटनास्थळी पोहचली असून रानगव्याला पकडण्यासाठी नियोजन करत आहे. मागच्या वेळी झालेला हलगर्जीपणा पुन्हा होऊ नये यासाठी प्रयत्न केले जात आहे. 

खडकवसाला दक्षिण घाटाच्या दिशेने, उसाच्या शेतात शिरलेले वाट चुकलेले गवे मानवी वस्तीत शिरत आहेत.दरम्यान, बावधान परिसरात संचारबंदी घालून गव्याला पकडण्यासाठी प्रयत्न केले पाहिजे असा सुर उमटत आहे पण प्रत्यक्षात अशी कितपत शक्य आहे याबाबत फेरविचार केला जात आहे.

#nightcurfew: पुणे शहरात कर्फ्यूचं स्वरुप कसं असणार? महापालिकेनं दिली माहिती