पुणे : ‘वारकरी संप्रदाय, वारी, भक्तिमार्ग याबाबतच्‍या पाच अभ्‍यासपूर्ण, गहन प्रश्‍नांची उत्तरे द्या, अन् परदेशात मोफत वारी करण्‍याची संधी मिळवा’, अशा प्रकारच्‍या अनोख्‍या उपक्रमाची सुरुवात ‘ज्ञानोबा-तुकोबा विश्वभ्रमण दिंडी’ या संस्‍थेने केली आहे..या संस्थेचे कार्यकर्ते आळंदीपासून पंढरपूरपर्यंत पालखीसोबत जात असून ते जिज्ञासू व अभ्‍यासपूर्ण व पांडुरंगाच्या ‘लाडक्या’ वारकऱ्यांचा शोध घेत आहे. या उपक्रमाचे हे चौथे वर्ष आहे. पहिल्या वर्षी पाच प्रश्‍नांची बरोबर उत्तरे दिलेल्या २१ वारकऱ्यांना दुबई, दुसऱ्या वर्षी लंडनला १७ वारकरी तर तिसऱ्या वर्षी नेपाळला ७ वारकऱ्यांना ही संस्था स्वखर्चाने विमानाने घेऊन गेली होती. .विविध उद्योजक या संस्थेला त्यासाठी आर्थिक पाठबळ देतात. यावर्षी या संस्थेचा छोटेखानी रथ ज्ञानोबा माऊलींच्या पालखीसोबत जात असून दररोज ते ज्ञानेश्वरी, गाथा, हरिपाठ व पसायदान यासंबंधी प्रश्‍नांची अचूक उत्तरे देतील अशा जिज्ञासू वारकऱ्यांचा शोध घेत आहेत..याबाबत आळंदी येथील संस्थेचे संस्थापक दादासाहेब करांडे म्हणाले, ‘‘दररोज त्यांच्याकडे आलेल्यांपैकी १ ते २ वारकरी या पाच प्रश्‍नांची अचूक उत्तरे देतात व त्यांची निवड होते. त्यांनी किमान पाच पायी वारी केलेली हवी. त्यांना ही वारी संपल्यानंतर नेण्यात येते. दरवर्षी वेगवेगळ्या देशांत नेले जाते व तेथे त्यांनी ज्ञानोबा, तुकोबा व वारकरी संप्रदायाचा प्रचार व प्रसार करणे अपेक्षित असते. त्यासाठी त्यांना कृष्णानंद महाराज आवटे, सागर जाधव यांनी सहकार्य केले.’’.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
