पुणे : शहरात वेगवेगळ्या ठिकाणी गुन्हे शाखेच्या खंडणी व अंमली पदार्थ विरोधी पथकाने छापे घालुन दीड लाख रुपयाचा सुगंधी हुक्का आणि तंबाखूजन्य पदार्थ जप्त केले. तसेच 4 ते 5 जणांना ताब्यात घेतले आहे.
मोहम्मद अब्दुललतीफ अबुबकर (वय 22, रा. कोरेगाव पार्क), परवेज अब्दुलअली सय्यद (वय 43,रा. कोणार्क पार्क, विमाननगर), मदनलाल नारायण परिहार (वय 30), मिश्रीलाल पोलाजी परमार (वय 54) अशी ताब्यात घेतलेल्याची नावे आहेत.
गुन्हे शाखेच्या खंडणी व अंमली पदार्थ विरोधी पथकाकडुन शहरात विशेष मोहीम राबविण्यात आली. कोरेगाव पार्क येथील मोहम्मद अबूबकर हा सुगंधी हुक्का विक्री करीत असल्याची खबर पोलिसांना मिळाली. त्यानुसार त्याच्याकडुन 39 हजार रुपयांचा सुगंधी हुक्का, तंबाखूजन्य पदार्थ व हुक्का भांडे जप्त केले.
त्यानंतर विमाननगरमधील असलेल्या बेकायदा हुक्का पार्लर व परवेज सय्यद यास ताब्यात घेऊन त्याच्याकडून 38 हजार रूपयांचे महागडे सिगारेट, हुक्का जप्त करण्यात आले. याबरोबरच शिवाजीनगर एसटी स्थानकासमोरील बालाजी सुपर मार्केट व आदर्श सुपर मार्केट येथे 75 हजार रूपयांचे सिगारेट व तंबाखूजन्य पदार्थ जप्त केले.पोलिस निरीक्षक राजेन्द्र मोहिते यांच्या पथकाने ही कार्रवाई केली.
- पुण्याच्या बातम्या वाचण्यासाठी येथे क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.