जुन्नर - पंढरपूरच्या आषाढी वारीत सहभागी होण्यासाठी (ता. ८ जून) गेलेल्या छत्रपती शिवाजी महाराजांच्या पादुकांचे किल्ले शिवनेरीवर आगमन झाले. पादुकांच्या पालखी सोहळ्याचे यंदाचे ११ वे वर्ष होते..यावेळी पादुकांच्या साक्षीने शिववंदना आणि अभिवादन झाल्यानंतर पुजारी सोपान दुराफे यांनी शिवाई देवीच्या चरणांशी श्रींच्या पादुकांना स्थापित केले. यानंतर महाआरतीने सोहळ्याची सांगता झाली.शिवनेरीहून ज्येष्ठ शुद्ध एकादशीला दरवर्षीप्रमाणे रायगडावरील राज्याभिषेक उत्सवासाठी शिवरायांच्या पादुकांचे प्रस्थान झाले होते. येथून पायी प्रवास करत आषाढी एकादशीस शिवबा-विठोबा भेटीचा सोहळा पार पडला. यानंतर पावनखिंड, विशाळगड, नेसरी,.कापशी, कुरुंदवाड, वडगाव, तळबीड व उमरठमध्ये भेट देऊन भीमाशंकर मार्गे पालखी सोहळा शिवजन्मभूमीत परतला असल्याचे समन्वयक डॉ. संदीपराज महिंद गुरुजी यांनी सांगितले..यावर्षी पौड मधील पिंपरी गावाला शिवनेरीवर पादुका पुन:स्थापित करण्याच्या सेवेची संधी मिळाली होती. पालखी सोहळ्यास स्थानिक पातळीवर संदीप ताजणे, हर्षवर्धन कुऱ्हे, अक्षय कुटे, सूरज खत्री, शिवराज संगनाळे यांनी सहकार्य केले..शिव-समर्थ भेटयावर्षी प्रथमच सांगलीच्या कोटणीस आश्रमात समर्थ श्री रामदास स्वामी महाराजांच्या पादुका व आषाढी वारी करून आलेल्या शिवरायांच्या पादुकांचा भेट सोहळा पार पडला. यासाठी संजयबुवा कोटणीस, बापू हरदास व अवधूत मिरजकर यांनी परिश्रम घेतले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
