पांगरीचे तुषार पालखे यांच्या आसक्ती पुस्तकाचे प्रकाशन सोहळा संपन्न

PGR25B03355
पांगरी ः येथील कवी तुषार पालखे यांच्या आसक्ती कवितासंग्रहाच्या प्रकाशनप्रसंगी वैभव धर्माधिकारी, सुभा लोंढे, कवी तुषार पालखे आदी.

कुसुमाग्रज कवी संमेलनात
‘आसक्ती’चे प्रकाशन

पांगरी, ता. ४ : भारतीय साहित्य व सांस्कृतिक मंच तसेच राजयुवा प्रकाशन यांच्या संयुक्त विद्यमाने आयोजित राज्यस्तरीय कुसुमाग्रज कवी संमेलन मोठ्या उत्साहात पार पडले. या संमेलनात राजयुवा प्रकाशनामार्फत चार प्रतिनिधिक पुस्तकांचे प्रकाशन करण्यात आले. यामध्ये पांगरी (ता. बार्शी) येथील युवा कवी तुषार पालखे यांनी संपादित केलेल्या ‘आसक्ती’या प्रातिनिधिक काव्यसंग्रहाचा प्रकाशन सोहळा विशेष आकर्षण ठरला.
‘आसक्ती’या पुस्तकाचे प्रकाशन पाठ्यपुस्तकातील कवी वैभव धर्माधिकारी, विस्तार अधिकारी सुभा लोंढे, वनविभाग अधिकारी लक्ष्मण शिंदे, भारतीय साहित्य व सांस्कृतिक मंचचे अध्यक्ष विशाल शिरसट, कार्याध्यक्षा शिल्पा मुसळे तसेच राजयुवा प्रकाशनाचे प्रकाशक गौरव पुंडे यांच्या हस्ते करण्यात आले. कवी तुषार पालखे हे ‘आसक्ती’या पुस्तकाचे संपादक असून त्यांनी तब्बल ७० कवींना एकत्रित करत हा प्रातिनिधिक कविता संग्रह संपादित केला आहे. सूत्रसंचालन श्रीशैल सुतार आणि सारिका सासवडे यांनी केले. कार्यक्रमाचे आयोजन योगेश हरणे, पल्लवी पवार, मयुरी लायगुडे, संगम उबाळे, गौरव पुंडे, ज्योती भंडारी यांनी केले.