पुणे - संत ज्ञानेश्वर महाराज व संत तुकाराम महाराजांच्या पालखी सोहळ्याच्या पार्श्वभूमीवर पुणे ग्रामीण पोलिस सज्ज झाले आहे. पावणे दोन हजार पोलिस अधिकारी, कर्मचारी तैनात करण्यात आले आहेत..महिलांच्या सुरक्षिततेसाठी विशेष खबरदारी घेतली असून, शीघ्र कृती दल, बॉम्ब शोधक व नाशक पथक, राज्य राखीव पोलिस बलाच्या तुकड्या तैनात केल्याची माहिती पोलिस अधीक्षक संदीप सिंग गिल यांनी गुरुवारी पत्रकार परिषदेत दिली..या वेळी अतिरिक्त पोलिस अधीक्षक रमेश चोपडे उपस्थित होते. संत तुकाराम महाराजांची पालखी २२ जून रोजी नायगाव फाटा (उरुळी कांचन पोलिस हद्दीत) आणि संत ज्ञानेश्वर महाराजांची पालखी झेंडेवाडीत (सासवड पोलिस हद्दीत) प्रवेश करणार आहे. या पार्श्वभूमीवर पालखी मार्गांवर विशेष पोलिस बंदोबस्त आखण्यात आला आहे..पालखी मार्गांवर जड वाहनांचा अडथळा होऊ नये, यासाठी बारा ठिकाणी वाहतूक पोलिसांसह विशेष अधिकाऱ्यांची नियुक्ती करण्यात आली आहे. तसेच, चोरीच्या घटना टाळण्यासाठी स्थानिक गुन्हे अन्वेषण विभागाच्या आधिपत्याखाली विशेष पथक कार्यरत करण्यात आले आहे..वारकरी महिलांच्या सुरक्षिततेसाठी दोन विशेष महिला पथके नियुक्त करण्यात आली आहेत. रथांच्या दर्शनासाठी गर्दी होणाऱ्या ठिकाणी महिला-पुरुषांच्या मार्गांची योग्य विभागणी केली आहे. वारी मार्गावर मद्य व मांस विक्रीस बंदी घातली असून, त्याबाबत पोलिसांकडून विशेष पथके कार्यरत राहणार आहेत. संपूर्ण पालखी सोहळा शांततामय व सुरक्षित वातावरणात पार पडावा, यासाठी नागरिकांनी पोलिसांना सहकार्य करावे, असे आवाहन गिल यांनी केले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
