अष्टविनायक श्री बल्लाळेश्वर मंदिराचे वैभव उजळणार! २८.४० कोटींचा विकास आराखडा मंजूर; वारसा जपून होणार कायापालट
Sakal
पाली : अष्टविनायकांपैकी एक महत्त्वाचे देवस्थान असलेल्या पाली येथील श्री बल्लाळेश्वर मंदिराच्या वैभवात आता आणखी भर पडणार आहे. अष्टविनायक तीर्थक्षेत्र विकास आराखडा योजनेअंतर्गत या मंदिराच्या सर्वांगीण विकासासाठी २८ कोटी ४० लाख रुपयांचा भरघोस निधी मंजूर करण्यात आला आहे. या प्रकल्पामुळे मंदिराचे मूळ ऐतिहासिक स्वरूप जपण्यासोबतच भाविकांना आधुनिक सुविधा मिळणार असून, संपूर्ण पाली परिसराचा चेहरामोहरा बदलणार आहे.
