इंदापूर - लोणी देवकर (ता. इंदापूर) येथील बँक आँफ बडोदा शाखेमध्ये सहाय्यक व्यवस्थापकाला गावातीलच तरुणांनी मारहाण केल्याची घटना घडली असून, या प्रकरणी इंदापूर पोलीस स्टेशन येथे नऊ जणांविरोधात गुन्हा दाखल करण्यात आला आहे..गणेश कडाकणे असे मारहाण झालेल्या बँकेच्या सहाय्यक व्यवस्थापकाचे नाव असून सागर थोरात, निखील थोरात, सुरज थोरात, शुभम थोरात, महेश थोरात (सर्व रा. लोणी देवकर ता. इंदापुर) यांचेसह इतर चार अनोळखी व्यक्ती असे एकूण 9 जणांविरोधात गुन्हा दाखल करण्यात आला आहे.याबाबत बँक ऑफ बडोदा लोणी देवकर शाखेचे शाखाधिकारी मनोज बाळासाहेब भोसले यांनी दिलेल्या फिर्यादीनुरुप शुक्रवार (ता. 30 ऑगस्ट) रोजी नेहमीचा बँक ग्राहक असलेला सागर नवनाथ थोरात हा त्याच्या पत्नीच्या बँक खात्यातील नाव दुरुस्तीसाठी पत्नी व मुलीसोबत आला होता..त्यावेळी फिर्यादी भोसले यांनी त्यांची कागदपत्रे तपासली व त्यानंतर सहकारी महेश कुमार अय्यर यांचेकडे पुढिल कार्यवाही करीता पाठवली. तेव्हा सागर थोरात हा दारू पिल्याचा वास येत होता व तो दारूचे नशेत मोठमोठ्याने बोलत पत्नीच्या नावाची दुरूस्ती आत्ताचे आत्ता करून द्या, नाहीतर मी तुमचे बँकेतील संगणक व इतर साहित्याची तोडफोड करेल असे बोलुन वाद घातला.यावेळी शाखेतील सहाय्यक व्यवस्थापक गणेश कडाकणे हे त्यांचा वाद सोडवण्यासाठी गेले असता त्यांचेशी देखील वाद घालुन शिवीगाळ करून बाहेर जाताना गणेश कडाकणे यांना 'तु बाहेर ये तुझ्याकडे पाहुन घेतो' तुझे हातपाय तोडतो, अशी धमकी देवुन निघुन गेला..दरम्यान सायंकाळी बँक शाखेतील कामकाज आटपुन बंद करून घरी जाताना सागर थोरात, निखील थोरात, सुरज थोरात, शुभम थोरात व महेश थोरात व इतर साथीदारांनी गणेश कडाकणे यांना मोटारसायकलवरून खाली उतरावुन लाथबुक्यांनी मारहाण केली. त्यानंतर दुस-या मोटारसायकलवर बळजबरीने बसवुन पळसदेवचे दिशेला नेत त्या ठिकाणी लाकडी काठीने, लोखंडी रॉडने तसेच लाथाबुक्यांनी मारहाण केली. यावरून गुन्हा दाखल करण्यात आला आहे.या घटनेचा पुढील तपास इंदापूर पोलिस करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
