पुण्यात युवासेनेच्या पदाधिकाऱ्यावर कोयत्याने हल्ला

शिवाजीनगर - शिवाजीनगर (Shivajinagar) गावठाणातील रहिवासी युवासेना उपविभाग अधिकारी सागर दळवी (Sagar Dalvi) यांच्यावर राहत्या घरी गुरवार (ता.३) रोजी कोयत्याने हल्ला (Attack) केल्याने ते जखमी झाले आहेत. पोलिसाकडून मिळालेल्या माहितीनुसार आरोपी रणजित परदेशी यांचा मुलगा व सागर दळवी यांचा मित्र यांच्यामध्ये झालेल्या वादातून एकमेकांवर हल्ला झाल्याचे समजले. या हल्ल्यामध्ये दळवी जखमी झाले असून त्यांच्या दूचाकीचे मोठ्या प्रमाणात नुकसान झाले आहे.

शिवाजीनगर पोलिस ठाण्यात कलम ३०७, ४५२, ५०४, ४२७, ३४, ४, २५, ३७(१), १३५ अंतर्गत आरोपी रणजित परदेशी, शेरू परदेशी, चिराग जोशी यांच्यावर गुन्हा दाखल करण्यात आला आहे. आरोपी खुलेआम रस्त्यावर कोयते घेऊन फिरताना सि. सि. टी. व्ही मध्ये दिसत आहेत. पोलिस उपनिरीक्षक अतुल क्षिरसागर म्हणाले आरोपी अभिलेखा वरचे गुन्हेगार आहेत. त्यांचा शोध सुरू आहे.त्यांना लवकरच अटक करण्यात येईल.