पुणे : दारु पिताना झालेल्या भांडणातून तरूणावर धारदार शस्त्राने वार करून खूनाचा प्रयत्न करण्यात आला. याबरोबरच आरोपींनी शस्त्राचा धाक दाखवत नागरिकांना धमकावले. ही घटना आंबेगाव येथील आमराई परिसरात बुधवारी (ता.७) घडली..अलोक कोंढरे असे या घटनेत गंभीर जखमी झालेल्या तरुणाचे नाव आहे.तर, गणेश कदम, अनिकेत सांडे, ऋषी सावंत व पुनीत वाघामरे (सर्व रा. भारती विद्यापीठ) असे गुन्हा दाखल झालेल्या आरोपींची नावे आहे. याप्रकरणी ओमकार वडमारे (रा.धायरी) याने भारती विद्यापीठ पोलिस ठाण्यात फिर्याद दाखल केली आहे. त्यावरुन चौघांविरुद्ध खूनाचा प्रयत्न व दहशत पसरविल्याप्रकरणी गुन्हा दाखल करण्यात आला आहे. .पोलिसांनी दिलेल्या माहितीनुसार, फिर्यादी ओमकार हा डिलीव्हरी बॉय आहे. बुधवारी दुपारी तो त्याचे मित्र अलोक कोंढरे, किरण घोडके, सोमनाथ जगदाळे व इतर काही मित्रांसोबत आंबेगाव येथे दारु पित बसला होता. त्यावेळी आरोपी देखील त्यांच्याजवळ येऊन दारु पित बसले. यावेळी अलोक कोंढरे व आरोपी गणेश कदम यांच्यात बाचाबाची झाली. त्यानंतर गणेश कदम तेथून निघून गेला. काही वेळाने तो त्याच्या साथीदारांसह तेथे आला..त्यांनी अलोकचा पाठलाग करुन त्यास आंबेगाव घबाडी येथील उत्कर्ष शाळेजवळ गाठले. आरोपी गणेशने अलोकवर कोयत्याने, तर ऋषीकेशने तलवारीने वार केले. या घटनेत अलोक गंभीर जखमी झाला. दरम्यान, आरोपींनी तेथून जाताना नागरिकांना शस्त्रे दाखवत दमदाटी केली. एका कारची तोडफोडही केली. या प्रकरणाचा तपास सहायक पोलिस निरीक्षक मिथुन परदेशी करत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
