पालिकेच्या सुविधा मिळाव्यात यासाठी टॉवरवर चढुन आत्महत्येचा प्रयत्न

फुरसुंगी - रस्ता नाही, पाणी नाही यासाठी फुरसुंगीतील (Fursungi) संकेत विहार येथे राहणारे श्रीराम पवार (Shriram Pawar) यांनी कंटाळून उच्च विद्युतदाब वाहिनीच्या टॉवरवर (Tower) चढुन या प्रश्नांकडे (Problems) लक्ष वेधण्याचा प्रयत्न केला. कंट्रोल रूम मधून फोन आला की अग्निशामक दलाची (Fire Brigade) एक गाडी त्वरित बचाव पथकासोबत घटनास्थळी पोहचली; परंतु येथील रहिवाशी राजेंद्र कांबळे आणि प्रतिष्ठित नागरिक जीवन जाधव यांनी त्यांना समजावून सांगितल्यावर ते स्वत: खाली उतरले. तब्बल दोन तास चालू असलेला हा प्रकार बघण्यासाठी आजूबाजूच्या परिसरातील नागरिकांनी गर्दी केली होती.

'महापालिकेसोबत सतत रस्ता आणि पिण्याच्या पाण्यासाठी पाठपुरावा करून देखील पालिकेतील अधिकारी आमच्या प्रश्नांकडे जाणीवपूर्वक दुर्लक्ष करत आहेत. या प्रकाराला आता कंटाळलो आहे. काही दिवसांनी सुविधा मिळतील या विचाराने येथे घर घेतले; परंतु काहीच सुविधा मिळत नाहीत. आता दुसरीकडे घर घेणे शक्य नाही, त्यामुळे नाईलाजास्त हे पाऊल उचलावे लागले." अशी प्रतिक्रिया श्रीराम पवार यांनी दिली.