महाआरतीला सर्व राजकीय कार्यकर्त्यांची उपस्थितीती - अतुल बेनके | Sakal
sakal

बोलून बातमी शोधा

Attendance of all political leaders Maha Aarti ncp Atul Benke junnar

महाआरतीला सर्व राजकीय कार्यकर्त्यांची उपस्थितीती - अतुल बेनके

नारायणगाव : जुन्नर तालुक्यातील सर्व राजकिय पक्षाचे नेते व कार्यकर्ते यांनी एकत्र येऊन येथील ग्रामदैवत हनुमान मंदिरात हनुमान चालीसाचे वाचन व महाआरती करून राष्ट्रीय एकात्मतेचा संदेश दिला. विशेष म्हणजे या कार्यक्रमाला मुस्लिम समाजातील कार्यकर्ते उपस्थित होते. जुन्नर ही छत्रपती शिवाजी महाराजांची जन्मभूमी आहे. त्यांनी दिलेल्या शिकवणी नुसार आपल्या धर्माचा अभिमान बाळगत असताना दुसऱ्या धर्माचा द्वेष करू नये. तालुक्यात जातीय तणाव निर्माण होणार नाही.याची काळजी घ्यावी.असे आवाहन या वेळी आमदार अतुल बेनके यांनी केले.

महाराष्ट्र नवनिर्माण सेनेचे अध्यक्ष राज ठाकरे यांनी दिलेल्या आदेशानुसार तालुक्यातील मनसेच्या कार्यकर्त्यांनी मनसेचे जिल्हा उपाध्यक्ष मकरंद पाटे, साईनाथ ढमढेरे यांच्या मार्गदर्शनाखाली येथील ग्रामदैवत हनुमान मंदिरात हनुमान चालीसाचे वाचन व महाआरतीचे आयोजन केले होते. या कार्यक्रमास आमदार बेनके यांच्यासह सर्व पक्षीय नेते व कार्यकर्त्याना पाटे यांनी निमंत्रित केले होते. आमदार बेनके, उपविभागीय पोलीस अधिकारी मंदार जवळे, सहायक पोलीस निरीक्षक पृथ्वीराज ताटे यांच्या उपस्थितीत हनुमान चालीसाचे वाचन करून महाआरती करण्यात आली.या वेळी युवा नेते अमित बेनके, सुजित खैरे,रामदास अभंग, गणेश वाजगे,मुकेश वाजगे, सागर दंरदळे, मुस्लिम समाजाचे तोषिब कुरेशी, जुबेर शेख, मनसेच्या महिला आघाडी प्रमुख संगीत अडसरे, भाजपचे नामदेव अण्णा खैरे, प्रतीक जाधव,हनुमान देवस्थान ट्रस्टचे अध्यक्ष ऍड.शिवदास तांबे, शैलेश औटी आदी उपस्थित होते.या वेळी आमदार बेनके म्हणाले भोंगा प्रश्नावरून राज्यात तणावाचे वातावरण निर्माण झाले आहे. या पार्श्वभूमीवर मनसेच्या तालुक्यातील कार्यकर्त्यांनी सर्व राजकिय पक्षाच्या कार्यकर्त्याना एकत्र घेऊन हनुमान चालीसाचे वाचन करून महाआरती केली.

या कार्यक्रमाला मुस्लिम समाजातील प्रतिनिधीनी सुध्दा उपस्थित होते. या वेळी आमदार बेनके म्हणाले तालुक्यात सर्व जाती धर्माचे लोक गुण्या गोविंदाने रहात आहेत. जुन्नर तालुका छत्रपती शिवाजी महाराजांची जन्मभूमी आहे. त्यांनी अठरा पगड जातींना एकत्र करून स्वराज्याचे तोरण बांधले. शिवजन्मभूमीत जातीय सलोखा टिकून राहण्यासाठी आपण प्रयत्न करू.प्रत्येक पक्षाचे राजकिय विचार वेगळे जरी असले तरी पक्षाचा अजेंठा पुढे घेऊन जात असताना जातीय तेढ निर्माण होणार नाही याची दक्षता घ्यावी.आजच्या या कार्यक्रमातुन शिवजन्मभूमीने राज्याला आदर्श घालून दिला आहे.मनसेचे जिल्हा उपाध्यक्ष पाटे यांनी उपस्थितांचे आभार मानले. प्रसाद वाटप करून महाआरतीची सांगता करण्यात आली.

Web Title: Attendance Of All Political Leaders Maha Aarti Ncp Atul Benke Junnar

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top