सबस्क्राईब करा
-नितीन बिनेकर
मुंबई: पुणे पोर्श मोटार अपघातात दोघांचा जीव गेल्यानंतर पब आणि बारमध्ये अल्पवयीन मुलांना मिळणाऱ्या मद्याचा प्रश्न ऐरणीवर आला आहे. या घटनेनंतर राज्य उत्पादन शुल्क विभागाने पब, बारची तपासणी मोहीम विभागाने हाती घेतली. या तपासणीत ८७ बार सील करण्यात आले तर पुण्यातील आणि मुंबईतील जवळपास १३० पबवरही कारवाईचा बडगा उचलण्यात आला आहे.
उत्पादन शुल्क विभागाने २० विशेष तपासणी पथकांची स्थापना केली. त्यासाठी लागणारे अतिरिक्त मनुष्यबळ सोलापूर आणि नगर जिल्ह्यातून बोलावून घेतले होते. या पथकाने राज्यभर सुरू केलेल्या विशेष तपासणी मोहिमेनंतर पुण्यातील ६५ पब आणि ५१ बारला टाळे ठोकले आहेत. राज्यभरातील एकूण १७९ बारची तपासणी करून दोषी आढळलेले ७९ बार सील करण्यात आले. राज्यात सर्वाधिक पब मुंबई आणि उपनगरात आहे. त्यामुळे तेथे विशेष तपासणी केली. या तपासणीनंतर ७० पबवर कारवाई करण्यात आली.
मुदतीनंतरही बार सुरू ठेवणे, अल्पवयीन मुलांना मद्य देणाऱ्या पब, बार, रेस्टॉरंटवर आमची धडक कारवाई सुरू आहे. तपासणीत नियमांचे उल्लंघन करणाऱ्यांची गय केली जाणार नाही. त्यामुळे सर्व पब, बार, रेस्टॉरंट चालकांनी नियमांचे योग्य पालन करावे.
- डॉ. विजय सूर्यवंशी, आयुक्त, राज्य उत्पादन शुल्क विभाग
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.