BIF-CSIR NIIST Agrivoltaics Partnership: शाश्वत ग्रामीण विकासासाठी बायफ–CSIR NIIST करार

सुनील जगताप

उरुळी कांचन : कृषी-सौरऊर्जेला बळ देण्यासाठी वैज्ञानिक आणि औद्योगिक संशोधन परिषद – राष्ट्रीय आंतरविद्याशाखीय विज्ञान आणि तंत्रज्ञान संस्था तिरुवनंतपुरम,केरळ (CSIR-NIIST) आणि बायफ विकास अनुसंधान प्रतिष्ठान (बायफ) उरुळी कांचन यांनी संयुक्त संशोधन व तंत्रज्ञानासाठी धोरणात्मक भागीदारी केली आहे. उरुळी कांचन येथील बायफच्या मध्यवर्ती संशोधन केंद्रावर हा सामंजस्य करार(MoU)संपन्न झाला.बायफचे अध्यक्ष व व्यवस्थापकीय विश्वस्त डॉ.भरत काकडे आणि सीएसआयआर-एनआयआयएसटीचे संचालक डॉ.सी.आनंदरामकृष्णन यांच्यात कराराची देवाणघेवाण झाली.शाश्वत विकासासाठी संशोधन,नावीन्य,तंत्रज्ञान पडताळणी व क्षमता बांधणी या दृष्टीने हा महत्त्वाचा टप्पा आहे.शाश्वत शेती,नवीकरणीय ऊर्जा व ग्रामीण परिवर्तनासाठी नावीन्यपूर्ण उपायांना गती देणारा हा ऐतिहासिक करार मानला जात आहे.