Tree plantation and worship program organized at Bakori Devrai Vanrai Project on the occasion of Vat Purnima
Sakal
सुनील जगताप,
उरुळी कांचन : वटपौर्णिमेचे औचित्य साधून ट्री टॉक फाऊंडेशन व दादा बाबाजी वारघडे प्रतिष्ठान यांच्या संयुक्त विद्यमाने बकोरी देवराई वनराई प्रकल्पात वडाच्या वृक्षाचे वृक्षारोपण व पूजन करण्यात आले.यावेळी उपस्थितांना मार्गदर्शन करताना उपविभागीय अधिकारी (प्रांताधिकारी) डॉ.यशवंत माने यांनी दादा बाबाजी वारघडे प्रतिष्ठानच्या वृक्षसंवर्धन व जलसंधारणाच्या कार्याचे विशेष कौतुक केले.बकोरी व केसनंद परिसरातील खडकाळ डोंगरमाथ्यावर गेल्या दहा वर्षांपासून सातत्याने वृक्षारोपण व संवर्धनाचे काम सुरू असून,आजपर्यंत एक लाखांहून अधिक झाडांची लागवड करण्यात आली आहे.त्याचबरोबर सुमारे ५ कोटी लिटर वाहून जाणारे पाणी जमिनीत मुरविण्याचे महत्त्वपूर्ण जलसंधारणाचे कार्य पूर्ण करण्यात आले आहे.
