पुणे : बनावट चलनांचा आणि ई-मेलचा वापर करून कंपनीच्या सुमारे अडीच कोटी रुपयांचा अपहार केल्याचा प्रकार समोर आला आहे. ही घटना बालेवाडी येथील मोबिलिटी स्मार्ट सोल्यूशन्स या कंपनीत घडली. .याबाबत योगेश सुरेश दीपांकर (वय ४४, रा. रावेत) यांनी बाणेर पोलिस ठाण्यात तक्रार दिली आहे. त्यावरून कौस्तुभ शिवकुमार विभूते (वय ३४, रा. मुंढवा) या संशयिताविरुद्ध गुन्हा दाखल करण्यात आला आहे..पोलिसांनी दिलेल्या माहितीनुसार, जून २०२४ ते फेब्रुवारी जुलै २०२६ दरम्यान, आरोपी कौस्तुभने कंपनीचा विश्वासघात करून बनावट रीइम्बर्समेंट अर्ज, खोटे व्हाउचर आणि बनावट ई-मेल आयडी तयार केले. त्याने कर्मचाऱ्यांच्या खर्चाचे परतफेड अर्ज, मूळ पुरवठादारांचे बँक तपशील बदलून स्वतःचे खाते क्रमांक टाकले. कंपनीच्या मुख्य कार्यकारी अधिकाऱ्यांना संशय येऊ नये म्हणून हुबेहूब बनावट ई-मेल पाठवले. या आधारे कंपनीचा सुमारे दोन कोटी ४५ लाख रुपयांचा निधी स्वतःच्या खात्यात वळवला. या गुन्ह्याचा तपास पोलिस निरीक्षक (गुन्हे) विजय खिल्लारे करत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
