पांगरीत बालिका दिन उत्साहात साजरा

PGR26B03371
पांगरी (ता. बार्शी) : येथील सोपल स्कूलमध्ये बालिका दिन साजरा करताना विद्यार्थिनी व शिक्षक.
शोभाताई सोपल इंग्लिश स्कूल
पांगरी : येथील स्व. शोभाताई सोपल इंग्लिश स्कूलमध्ये विद्यार्थ्यांसाठी भाषण, वक्तृत्व स्पर्धा, सांस्कृतिक कार्यक्रमांचे आयोजन करण्यात आले होते. कार्यक्रमाच्या अध्यक्षस्थानी अश्विनी गरड होत्या. तर प्रमुख पाहुण्या म्हणून भाग्यश्री पुकळे उपस्थित होत्या. कार्यक्रमाची सुरवात सावित्रीबाई फुले यांच्या प्रतिमेला पुष्पहार अर्पण करून करण्यात आली. यावेळी ‘लेक वाचवा, लेक शिकवा’, ‘शिकलेली आई घर पुढे नेते’ आणि ‘मुलींचे शिक्षण हे प्रगतीचे लक्षण’ अशा घोषणा देण्यात आल्या.
यावेळी आयोजित भाषण स्पर्धेत दीक्षा पाटील हिने प्रथम क्रमांक पटकावला. ईश्वरी अभिजित जगदाळे हिला द्वितीय, तर नेत्रा नितीन चौधरी हिला तृतीय क्रमांक मिळाला. वक्तृत्व स्पर्धेत राजवर्धन देशमुख प्रथम, शर्वरी कसपटे द्वितीय व तेजस्विनी मुंडे तृतीय ठरल्या. याप्रसंगी विद्यार्थिनींनी सावित्रीबाई फुले यांची वेशभूषा परिधान करून बालिका दिन साजरा केला. कार्यक्रमाचे सूत्रसंचालन चव्हाण यांनी केले तर गावठी यांनी आभार मानले.