baramati pandhare bank of india atm theft 14 lakh cash stolen
esakal
माळेगाव : बारामती तालुक्यातील पणदरे येथील बँक ऑफ इंडिया शाखेच्या एटीएमवर अज्ञात चोरट्यांनी पहाटेच्या सुमारास धाडसी डल्ला मारला. कटरच्या साह्याने एटीएम मशीन फोडून तब्बल १४ लाख १९ हजार १०० रुपयांची रोकड लंपास केल्याची घटना उघडकीस आली आहे. या घटनेमुळे परिसरात खळबळ उडाली असून माळेगाव पोलिसांनी चोरट्यांचा शोध घेण्यासाठी व्यापक मोहीम सुरू केली आहे.
