बारामती - येथील तुळजाराम चतुरचंद महाविद्यालयाची विद्यार्थीनी भक्ती गावडे हिने 45.10 मीटर थाळीफेक करत राष्ट्रीय स्तरावर प्रथम क्रमांक प्राप्त केला आहे.
क्रीडा व युवक सेवा संचालनालयाच्या वतीने चंद्रपूर विभागाअंतर्गत विसापूर बल्लारशाह येथे झालेल्या राष्ट्रीय मैदानी स्पर्धेत भक्ती गावडे हिने या यशाला गवसणी घातली आहे.
राष्ट्रीय शालेय मैदानी स्पर्धेसाठी तिची थाळीफेक या क्रीडा प्रकारासाठी राज्याच्या संघात निवड झाली होती. यास्पर्धेत 28 राज्यातील संघांनी सहभाग घेतला होता. भक्ती गावडे हिने 19 वर्षे वयोगटातून शालेय राष्ट्रीय स्पर्धेत सुवर्णपदकाचा वेध घेतला. तामिळनाडू मध्ये होणा-या राष्ट्रीय खेलो इंडिया युथ गेम्स मैदानी स्पर्धेसाठी तिची निवड झाली आहे.
डॉ. गौतम जाधव व अशोक देवकर यांनी तिला मार्गदर्शन केले. संस्थेचे अध्यक्ष जवाहर वाघोलीकर, सचिव मिलिंद वाघोलीकर, प्राचार्य डॉ. अविनाश जगताप यांनी तिचे अभिनंदन केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.