Ajit Pawar : बारामतीतील मुलींना कर्करोगावरील लस मोफत देणार

सध्या कर्करोगाचे प्रमाण वेगाने वाढत आहे, त्यातही महिलांमधील वाढता कर्करोग चिंताजनक आहे.
Ajit Pawar Cancer Vaccine
Ajit Pawar Cancer Vaccinesakal
Updated on

बारामती - सध्या कर्करोगाचे प्रमाण वेगाने वाढत आहे, त्यातही महिलांमधील वाढता कर्करोग चिंताजनक असून त्यासाठी बारामती विधानसभा मतदारसंघातील नऊ ते पंधरा वर्षे वयोगटातील सर्व मुलींना अदर पूनावाला यांनी विकसीत केलेली लस विनामूल्य दिली जाईल, अशी घोषणा उपमुख्यमंत्री अजित पवार यांनी केली.

शुक्रवारी (ता. 28) येथील डॉ. विशाल व डॉ. निकीता मेहता यांच्या रुग्णालयातील अपेक्स डायलेसिस सेंटर, ज़ॉईंट रिप्लेसमेंट व स्पाईन सेंटरचे उदघाटन अजित पवार यांनी केले. त्या प्रसंगी त्यांनी ही घोषणा केली.

कर्करोगावर मात करण्यासाठी अदर पूनावाला यांनी एक लस विकसीत केली असून ती विधानसभा मतदारसंघातील नऊ ते पंधरा वर्षे वयोगटातील मुलींना विनामूल्य देण्याचा कार्यक्रम सर्व जण मिळून हाती घेऊ. ही लस विनामूल्य देण्याची जबाबादारी मी घेतो असे अजित पवार म्हणाले.

दरम्यान बारामतीतील नवीन साठवण तलाव ते कुस्तीगीर संघाचे कार्यालय या दरम्यान नीडावा कालव्याशेजारील जागेत एक कि.मी. लांबीची छोटी रेल्वे गाडी लहान मुलांसाठी तयार करणार असल्याचेही त्यांनी या प्रसंगी सांगितले.

तीन हत्ती चौकातील पूलाबाबत बोलतानाही त्यांनी हे काम केल्यानंतर माझ्यावर अनेकांनी टीका केल्याचे नमूद केले. यातील तज्ज्ञांना विचारुन येथील रचना केली, पण ज्यांना यातील काही माहिती नाही, अशांनी येथे येऊन टीका केल्याची खंत त्यांनी व्यक्त केली. बारामतीतील वाचनालय झाल्यानंतर जो वाचत नाही, तोही तिथे जाऊन वाचन करायला लागेल, अशी ही वास्तू करणार असल्याचे त्यांनी नमूद केले.

मी करतो तुम्ही बघा तरी....

शहरातील विविध विकासकामांचा उल्लेख करताना शेवटी अजित पवार गमतीने म्हणाले, मी सगळी कामे करतोय, तुम्ही ती कामे जाऊन बघा तरी....चूक असेल ती निदर्शनास आणून दिल्यास तीही दुरुस्ती करेन. या वर उपस्थितात हशा पिकला.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Loading content, please wait...

Related Stories

No stories found.
Marathi News Esakal
www.esakal.com