बारामती : महामानवांची जयंती साजरी करताना त्यांचे विचार समजून घेणे, त्यांच्या जीवनचरित्राचा अभ्यास करणे, त्यांनी केलेला संघर्ष माहिती करुन घेणे गरजेचे आहे, या विचाराने प्रेरित होऊन बारामतीत वाचन सप्ताह सुरु करण्याचा एक विधायक निर्णय झाला आहे. .नवीन पिढीमध्ये वाचनाची आवड वृध्दींगत व्हावी व महापुरुषांचे जीवनचरित्र समजावे या उद्देशाने बारामतीत ज्योती वाचन सप्ताहास शुक्रवार (ता. 4) पासून प्रारंभ झाला.महात्मा जोतिराव फुले उत्सव समितीच्या वतीने बारामतीत ज्योती वाचन सप्ताहाचा प्रारंभ झाला. महामानवांची जयंती साजरी करताना त्यांचे विचार समजून घेणे गरजेचे आहे, त्यासाठी त्यांनी लिहिलेले साहित्य व त्यांच्या जीवनावर लिहिलेली पुस्तके वाचण्याचा संकल्प या जोती सप्ताहच्या पहिल्या दिवशी केला गेला..वाचन किती महत्त्वाचे आहे, वाचन का व कसे केले पाहिजे याचे मार्गदर्शन विद्या प्रतिष्ठान महाविद्यालयाचे प्राध्यापक विजय काकडे यांनी केले. सर्व धर्मग्रंथ व महापुरुषांची चरित्रे आजच्या पिढीने वाचली तर एक चांगली पिढी घडेल, जातीधर्मातील वाद संपुष्टात येतील, असा विचार या उपक्रमामागे संयोजकांचा आहे.पहिल्याच दिवशी या उपक्रमासाठी 150 स्त्री पुरुषांची उपस्थिती होती. बारामतीतील महात्मा फुले मंगल कार्यालयात हा उपक्रम सुरु करण्यात आला आहे. वनिता बनकर यांनी प्रास्ताविकात या उपक्रमाची सविस्तर माहिती दिली..यंदा महात्मा फुले जयंतीनिमित्त निघणारी मिरवणूक ही देखील डीजेमुक्त होणार असून यात पारंपरिक वाद्यांचा वापर केला जाणार असल्याचे किशोर हिंगणे यांनी सांगितले. लेझीम, ढोल, टाळ मृदंग यांचा यात समावेश असेल. संपूर्ण समाजबांधवांनी या विधायक उपक्रमास सहकार्य करण्याचा निर्णय घेतला आहे. विशेष म्हणजे कोणीही प्रमुख नसून सर्व समाजबांधव एकत्रित येत हा उपक्रम साजरा करणार आहेत.मंगल बोरावके यांनी समाजबांधवांचे आभार मानले. सूत्रसंचालन योगिता काळोखे यांनी केले. या प्रसंगी समता पतसंस्थेचे अध्यक्ष दिलीप फरांदे, किशोर हिंगणे, शशांक झगडे, प्रदीप लोणकर, बापू लोखंडे, भानुदास हिंगणे, अमोल नेवसे, केतन गार्डी, संदीप अभंग, सोपानराव बोरावके, परशुराम गायकवाड, उदय घनवट, बाळासाहेब रेवडे, नितीन शेंडे, कमल हिंगणे, शोभा बनकर, विजया बनकर, ज्योती लडकत, प्रज्ञा ढोले, सुनीता लिंगे, वैशाली माळी उपस्थित होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
