कात्रज - सातत्याने होणाऱ्या अपघातांच्या पार्श्वभूमीवर वाहनचालकांनी वेगमर्यादा पाळावी या उद्देशाने कात्रज नवीन बोगद्यातून नवले पूलाकडे येणाऱ्या रस्त्यावर स्पीडगन गाडी उभा करण्यात आली आहे..वाहतूक पोलिसांकडून उभ्या करण्यात आलेल्या या स्पीडगन गाडीच्या सहाय्याने ताशी ६० किमीपेक्षा अधिक वेग असणाऱ्या गाड्यांवर कारवाई करत दंड आकारण्यात येतो. मागील तीन महिन्यात या स्पीडगनचा वापर करुन वाहतूक पोलिसांकडून सुमारे अडीच कोटी रुपयांची दंड आकारणी करण्यात आली आहे..मागील तीन महिन्यात म्हणजे एप्रिल, मे आणि जूनमध्ये एकूण २ कोटी ३५ लाख ८३ हजार रुपयांचा दंड आकारण्यात आला आहे. यामध्ये तीनचाकी, चारचाकी आणि अवजड वाहतूक गाड्यांचा समावेश आहे. तीन चाकीसाठी एक हजार रुपये, चार चाकीसाठी दोन हजार रुपये तर अवजड वाहतूकीसाठी चार हजार रुपयांचा दंड करण्यात येत आहे.रस्त्यावर एका सेवाभावी संस्थेने दोन ठिकाणी स्थिर स्पीड कॅमेरेही बसविले होते. मात्र, हे कॅमेरे सद्यस्थितीत बंद आहेत. त्यामुळे या कॅमेऱ्यांद्वारे दंडआकारणी होत नाही. हे कॅमेरेही सुरु करुन दंडआकारणी करत वेगाला मर्यादा घालण्यात यावी. जेणेकरुन नवलेपूल रस्त्यावर सातत्याने होणाऱ्या अपघातांचे प्रमाण कमी होईल, अशी मागणी स्वाभिमानी ब्रिगेडचे रोहन सुरवसे-पाटील यांनी केली आहे..तक्तामहिना--दंड आकारलेल्या एकूण गाड्यांची संख्या--दंडाची एकूण रक्कमएप्रिल--४ हजार ०१६--८२ लाख ९० हजार ५००मे--४ हजार ०९१-- ८४ लाख ९८ हजार ५००जून--३ हजार ५२८--६७ लाक ८४ हजार.प्रतिक्रियाएवढ्या मोठ्या प्रमाणात गाड्यांवर दंड आकारून महसूल वसूल करणे हा शासनाचा किंवा पोलिस खात्याचा हेतू नाही. नवलेपूल रस्त्यावर सातत्याने अपघात होतात. या ठिकाणी तीव्र उतार असल्याने गाड्यांचा वेग हे अपघाताचे प्रमुख कारण आहे. वेगांवर नियंत्रण राखण्यासाठी दंडआकारणी करण्यात येते. त्यामुळे वाहनचालकांनी या रस्त्यावरून प्रवास करताना प्रतिताशी ६० किमीची मर्यादा पाळावी.- हिम्मत जाधव, पोलिस उपायुक्त, वाहूतक, पुणे शहर.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
