Ambethan News : भामा आसखेडमध्ये 'साठीत' साठा, पण भविष्यात चिंतेची लाट! मोठ्या पाणी योजना सुरू होताच धरण तळ गाठणार; पाणी जपून वापरण्याचे आवाहन

आंबेठाण : खेड तालुक्यासह शिरूर आणि दौंड तालुक्याला वरदान ठरलेल्या भामा आसखेड ( ता. खेड ) धरणात आज ( दि.२८ ) ६३.२५ टक्के पाणीसाठा शिल्लक आहे. मागील दोन वर्षांच्या तुलनेत हा साठा जरी जास्त दिसत असला तरी या पाण्यावर अवलंबून असणाऱ्या काही पाणी योजना सुरू झाल्यावर मात्र धरणात पाणीसाठा अल्प राहणार आहे.