भोर - तालुक्यातील ऐतिहासिक भाटघर धरणातील पाण्याला हिरवा रंग आल्यामुळे स्थानिक नागरिकांमध्ये भीतीचे वातावरण निर्माण झाले आहे. मागील चार-पाच दिवसांपासून भाटघर धरणातील पाण्याला हिरवा रंग दिसू लागला आहे..धरणाच्या भिंतीच्या उत्तरेकडील बाजूला आणि उत्तरेकडील गावांच्या किणा-यावर पाण्याचा रंग हिरवा दिसत आहे. सकाळी हिरव्या रंगाचा तवंग दिसतो आणि दुपारपर्यंत राहतो. धरणाच्या पाणलोट क्षेत्रातील संगमनेर, माळवाडी व नऱ्हे गावांच्या लगतच्या जलसाठ्यात हा बदल स्पष्टपणे दिसून येत आहे..धरणाच्या पाण्यावर भोर शहरासह अनेक गावांच्या पाणीपुरवठा योजना आहेत. त्यामुळे नागरिकांचे आरोग्य धोक्यात येण्याची शक्यता वर्तवली जात आहे.भाटघर धरणात मत्ससंवर्धन करण्यासाठी काही व्यावसायीकांना परवानगी देण्यात आली आहे. हे व्यावसायीक मास्यांना टाकत असलेल्या खाद्यांमुळे पाण्याला हिरवा रंग येत असल्याचे नागरिक सांगत आहेत..याबाबत जलसंपदा विभागाचे शाखा अभियंता गणेश ठेंगळे यांच्याशी संपर्क साधला असता त्यांनी सांगितले की, मास्यांना टाकण्यात येत असलेल्या खाद्यांमध्ये नायट्रोजनचे प्रमाण जास्त असते.त्यामुळे पाण्यात शेवाळ वाढण्याची प्रक्रीया वेगाने होते. आणि पाणी शांत असल्यावर ते किणा-याला येते. पाण्याचा लाटा आणि पावसाचे प्रमाण वाढल्यानंतर शेवाळ साठत नाही. त्यामुळे दुपारनंतर धरणातील पाणी नेहमीप्रमाणे स्वच्छ दिसते..दरम्यान राज्य शासनाच्या मत्स्य व्यवसाय पुणे विभागाच्या सहाय्यक आयुक्त अर्चना शिंदे यांच्याशी संपर्क साधला असता त्यांनी सांगितले की, शासनाच्या नियमानुसार भाटघर १५ ते १६ व्यावसायीकांना पिंजरा पध्दतीने मस्य संवर्धन करण्याची परवानगी दिली आहे.माश्यासाठी टाकलेल्या खाद्यामुळे 'युट्रोफिकेशन' होऊन पाण्याचा रंग हिरवा होतो. पाण्याला हिरवा रंग येण्यासाठी या एका कारणाशिवाय आणखी इतरही कारणे असतात. आम्ही या कारणांचा शोध घेण्याचे काम सुरु केले असून पाण्याचे नमुणे घेवून तपासणीसाठी पाठविणार असल्याचेही अर्चना शिंदे यांनी सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
