हिर्डोशी : भोर तालुक्यातील २३.७४ टीएमसी पाणीसाठा असलेले भाटघर धरण रविवारी (ता.१७) १०० भरले. तर ११.९१ टीएमसी पाणीसाठा असलेले नीरा देवघर धरण भरण्याच्या मार्गावर आहे. ते ९७ टक्के भरले आहे. .भाटघरच्या विद्युत निर्मिती केंद्राद्वारे एक हजार ६५० क्यूसेक व स्वयंचलित दरवाजाद्वारे अनियंत्रित विसर्ग सुरू आहे. यामुळे पाटबंधारे विभागाने नीरा नदीकाठच्या गावांना सतर्कतेचा इशारा देण्यात आला आहे..नीरा देवघर धरणाच्या दोन हजार ४७८ क्यूसेक विसर्ग नदीपात्रात सोडण्यात आला आहे. भाटघर धरणाचे असलेले ४५ स्वयंचलित दरवाजे रविवारी सकाळी उघडण्यास सुरुवात झाली असून, दुपारी तीन वाजता स्वयंचलित पाच दरवाजांतून १४०० क्यूसेक पाण्याचा विसर्ग सुरू आहे. .त्यामुळे वीजनिर्मिती केंद्रातून एक हजार ६५० क्यूसेक आणि स्वयंचलित दरवाजांमधून एक हजार ४०० क्यूसेक असे एकूण तीन हजार ५० क्यूसेक पाण्याचा विसर्ग नीरा नदीत सुरू झाला. परंतु पावसाचे प्रमाण कमी जास्त नुसार व धरणात येणाऱ्या येव्यानुसार धरणातील पाणीसाठा कमी जास्त झाल्यास पाण्याचा विसर्ग कमी जास्त होऊ शकतो..दरम्यान, गेल्या वर्षी भाटघर धरण २ ऑगस्टला भरले होते. मात्र,यावर्षी २७ जुलैपासून पाण्याचा विसर्ग सुरू केल्याने यावर्षी धरण १५ दिवसांनी उशिरा भरले आहे. यावर्षी भाटघर धरणावर ५९६ तर नीरा देवघर धरणावर १५६८ मिलिमीटर पावसाची नोंद झाली आहे..Pune Crime: दारूच्या नशेत किरकोळ वाद; वडगाव रासाईत मित्राचा दगडावर डोके आपटून खून.शेती पंप हलवा : डुबलभाटघर धरणातून पाण्याचा विसर्ग सुरू केल्यामुळे पाटबंधारे विभागाने नीरा नदीकाठच्या गावांमधील नागरिकांना सतर्कतेचा इशारा दिला आहे. नागरिकांनी नदीपात्रात उतरू नये आणि नदीच्या पात्रात कोणत्याही विभागाचे काम सुरू असेल तर त्या विभागाने बांधकाम साहित्य व कामगार यांना सुरक्षित ठिकाणी हलविण्यात यावे. तसेच नदीपात्रात पिण्याच्या व शेतीसाठी असलेले पंप सुरक्षित ठिकाणी हलविण्यात यावे. सर्वांनी योग्य ती खबरदारी व दक्षता घ्यावी, असे आवाहन पुणे पाटबंधारे विभागाचे कार्यकारी अभियंता दिगंबर डुबल यांनी केले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
