Continuous rainfall and the sudden rise in the Bhima River have affected several riverside villages in Pune district.
Sakal
तळेगाव ढमढेरे : तळेगाव ढमढेरे (ता. शिरूर) येथील परिसरात गेल्या दोन दिवसांपासून संततधार पाऊस पडत असल्याने बहुतांश शेतकरी व ग्रामस्थ घरातच बसून राहिले. परंतु आज सोमवारी अचानक भीमा नदीला पूर आल्याने नदीकाठच्या शेतकऱ्यांच्या विद्युत मोटारी व पिके पाण्यात गेल्याने मोठे आर्थिक नुकसान झाले आहे. सोमवारी अचानक भीमा नदीला पूर आल्याने नदीकाठच्या विद्युत मोटारी व पिके पाण्यात बुडाल्याचे समजल्याने शेतकऱ्यांनी नदीकाठी पावसातच धाव घेऊन गर्दी केली होती, परंतु विद्युत मोटारी व काही शेतकऱ्यांची पिके पाण्यात बुडाल्याने शेतकरी हवालदिल झाले आहेत.
