लोकमान्य बाळ गंगाधर टिळक यांच्या पणतसून आणि पुण्याच्या माजी महापौर मुक्ता टिळक यांचं आज निधन झालं. त्या गेल्या अनेक दिवसांपासून कर्करोगाशी झुंज देत होत्या. त्यांच्या निधनानंतर त्यांचा एक भावनिक किस्सा सध्या चर्चेत आला आहे.
स्वातंत्र्य चळवळीत अग्रभागी असताना लोकमान्य टिळक एकेदिवशी पत्नी सत्यभामाबाई यांच्यासह वाराणसीत गेले होते. तेव्हा सत्यभामाबाईंना बनारसी भरजरी शेला आवडला अन् टिळकांच्या सहमतीने त्यांनी तो खरेदी केला होता. अनेक वर्षांनंतर टिळकांच्या खापर पणती आणि मुक्ता टिळक यांची मुलगी चैत्राली टिळक यांना त्यांच्या लग्नात हा शेला नेसवण्यात आला होता.
मुक्ता टिळक यांनीच या शेल्यासाठी पुढाकार घेतला होता. त्यानंतर पुण्यातल्या एका छोटेखानी कार्यक्रमात लोकसभेच्या माजी अध्यक्षा सुमित्रा महाजन यांच्या हस्ते तो मुक्ता टिळक यांना सुपुर्द करण्यात आला होता. हा शेला हातात पडताच मुक्ता टिळक यांना भरून आलं, त्यांचे डोळे पाणावले होते.
बनारसी भरजरी काठ असलेला सिल्कचा हा शेला, ही मोलाची ठेव आता आपल्या मुलीसोबत तिच्या सासरी जाणार या भावनेने त्यांचे डोळे पाणावले. यावेळी आपल्या भावना व्यक्त करताना त्या म्हणाल्या होत्या, "सत्यभामाबाई टिळकांना मी कधीही पाहिलं नाही, पण त्यांच्याविषयी मला प्रचंड आत्मीयता वाटते. त्यांचीच ही आठवण आहे. " बनारस काँग्रेस अधिवेशनाला गेले असताना वाराणसीला शेला खरेदी केल्याचंही मुक्ता टिळक यांनी सांगितलं होतं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
