भाजपच्या विश्वासावर जनतेने शिक्कामोर्तब केल्याने देशात वाढता जनाधार - हर्षवर्धन पाटील

इंदापूर - देशातील ५ राज्यामध्ये झालेल्या विधानसभा निवडणुकीत (Vidhansabha Election) भाजपने (BJP) ४ राज्ये जिंकून दैदिप्य मान ऐतिहासिक यश (Success) संपादन केले. जनतेने भाजपावरती असलेल्या विश्वासावर (Trust) शिक्कामोर्तब करून भाजपा कारभाराची पोचपावती दिली आहे. अशी प्रतिक्रिया भाजप नेते व माजी मंत्री हर्षवर्धन पाटील (Harshwardhan Patil) यांनी इंदापूर येथे पत्रकार परिषदेत दिली.

श्री. पाटील पुढे म्हणाले, उत्तर प्रदेश या देशातील सर्वात मोठ्या राज्यासह उत्तराखंड, मणिपूर, गोवा राज्यात भाजपला जनतेने एकतर्फी कौल देत पुन्हा सत्ता दिली आहे. देशाचे पंतप्रधान नरेंद्र मोदी, पक्षाध्यक्ष डॉ. जे. पी.नड्डा, केंद्रीय गृहमंत्री अमित शाह यांच्या नेतृत्वावरती व भाजपच्या ध्येय धोरणावर जनतेने पुन्हा विश्वास व्यक्त केला आहे. सर्वसामान्य माणसाचे हित डोळ्यासमोर ठेवून ''सबका साथ सबका विकास'' या सूत्रानुसार भाजपने सत्ता राबविल्याने हे यश मिळाले आहे.

पंतप्रधान मोदी यांच्या नेतृत्वाखाली भाजप सरकारने देशातील शेतकऱ्यांसाठी पंतप्रधान किसान सन्मान योजनेसारख्या विकासाभिमुख व निवडणूक झालेल्या राज्यातील भाजपा सरकारच्या लोकहिताच्या योजनांमुळे फक्त भाजपाच आपला विकास करू शकते हे सिद्ध झाले आहे. पंतप्रधान मोदी यांच्या नेतृत्वाखाली भारताचा जगात दबदबा असल्याचे रशिया-युक्रेन युद्धादरम्यान सिद्ध झाले असून, त्यामुळे जनता मोदींच्या नेतृत्वा खाली केंद्र सरकारवर खूश आहे. राज्यात माजी मुख्यमंत्री देवेंद्र फडणवीस, प्रदेशाध्यक्ष चंद्रकांत पाटील यांच्या नेतृत्वाखाली भाजपचा जनाधार वाढत आहे. केंद्रीय सहकार मंत्री अमित शहा, देवेंद्र फडणवीस यांच्या समवेत आपण गोव्यात प्रचार केल्याचे त्यांनी शेवटी सांगितले.