प्रसाद कानडे
पुणे : पुणे स्थानकासह विभागात आता विमानातील ‘ब्लॅक बॉक्स’सारखी कम्युनिकेशन प्रणाली बसविण्यात येणार आहे. पुणे रेल्वे स्थानक, यार्ड, नियंत्रण कक्ष, क्रॉसिंग या सारख्या महत्त्वाच्या व संवेदनशील ठिकाणी स्थानक व्यवस्थापक अथवा मुख्य यार्ड व्यवस्थापक यांचे रेल्वे वाहतूक संदर्भात होणाऱ्या संवादाचे रेकॉर्डिंग होणार आहे. यासाठी रेल्वे प्रशासन स्थानकावर ‘नवीन व्हीएचएफ’ (अतिशय उच्च वारंवारतेवर चालणारी रेडिओ फ्रिक्वेन्सी) यंत्रणा कार्यान्वित करण्यात येत आहे.