black magic over small dispute at Picasso Paradise Apartment in Kondhwa crime police action
black magic over small dispute at Picasso Paradise Apartment in Kondhwa crime police actionSakal

Pune Crime News : कोंढव्यातील पिकासो पॅराडाईज अपार्टमेंटमध्ये किरकोळ वादातून जादूटोण्याचा प्रकार

कोंढव्यातील साळुंखे विहार रस्त्यावरील सह्याद्री पार्कमधील पिकासो पॅराडाईज अपार्टमेंटमध्ये हा प्रकार घडला.

Pune Crime News : सोसायटीच्या सुरक्षारक्षकाला वैयक्तिक काम सांगितल्यावरून झालेल्या किरकोळ वादातून कोंढवा भागात सोसायटीच्या चिटणीसासह मुलाने जादूटोण्याचा प्रकार केल्याचा प्रकार उघडकीस आला. याबाबत सोसायटीतील रहिवाशाने पोलिसांकडे तक्रार दिली. त्यानुसार चिटणीसासह त्याच्या मुलावर गुन्हा दाखल करण्यात आला.

कोंढव्यातील साळुंखे विहार रस्त्यावरील सह्याद्री पार्कमधील पिकासो पॅराडाईज अपार्टमेंटमध्ये हा प्रकार घडला. चिटणीस राजकुमार जोशी आणि मुलगा अंकुर अशी संशयितांची नावे आहेत. जादूटोणा प्रतिबंध कायद्यान्वये त्यांच्यावर कोंढवा पोलिस ठाण्यात गुन्हा दाखल करण्यात आला. याबाबत रूपेश अग्रवाल यांनी फिर्याद दिली.

रूपेश आणि त्यांचे वडील १४ मार्च रोजी सोसायटीतून निघाले होते. त्यावेळी सुरक्षारक्षक जागेवर नव्हता. त्यामुळे अग्रवाल हे जोशी यांच्याकडे गेले. त्यांनी सुरक्षारक्षकाबाबत विचारणा केली. तेव्हा त्याला आपली गाडी धुण्यासाठी पाठविल्याचे जोशी यांनी सांगितले. त्यावर अग्रवाल यांनी, ‘सुरक्षारक्षकाला वैयक्तिक काम का सांगता,’ अशी विचारणा केली. त्यावरून वाद झाला. जोशी यांनी अग्रवाल पिता-पुत्राला शिवीगाळ केली.

‘लिंबू ठेवले, काळी बाहुली जाळली’

‘जोशी यांनी आपल्याला त्रास देण्यासाठी सोसायटीच्या प्रवेशद्वारावर लिंबू ठेवले. त्यांनी काळी बाहुली जाळून धमकावले. त्यांनी असे अघोरी कृत्य केल्याने आमचे कुटुंबीय घाबरले. जोशी यांनी आपला मोठा भाऊ राकेश आणि मामा किशनचंद अग्रवाल यांचा पाठलाग करून दहशत निर्माण केली. यामुळे राकेश यांना हृदयविकाराचा झटका आला,’ असे अग्रवाल यांनी फिर्यादीत नमूद केले आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com