पुणे - हद्दीतून जाणाऱ्या राष्ट्रीय आणि राज्य महामार्गांना जोडणाऱ्या रस्त्यांची कामे पुणे महानगर क्षेत्र विकास प्राधिकरणाकडून (पीएमआरडीए) हाती घेण्यात आली आहेत. सुमारे अडीच ते तीन हजार कोटी रुपये त्यासाठी खर्च अपेक्षित असून, या रस्त्यांच्या माध्यमातून महामार्गांबरोबरच तीर्थस्थळे, अर्बन ग्रोथ सेंटर यांना जोडण्यात येणार आहे. त्यामुळे वाहतूक सुरळीत होण्यास मदत होणार आहे.