पुणे - अपघात किंवा विविध कारणांमुळे हाडांमध्ये निर्माण झालेली पोकळी भरून काढण्यासाठी आता बोन बॅंक (हाडांची शास्त्रीय पद्धतीने साठवणूक) हाडांच्या रुग्णांसाठी आशेचा किरण ठरणार आहे..देशातील अवघ्या काही रुग्णालयांमध्येच उपलब्ध असलेली 'बोन बॅंक' सुविधा संचेती रुग्णालयाने सुरु केली आहे. 'बोन बॅंके'त ठेवलेल्या हाडांचा वापर करून ११८ हून अधिक रुग्णांवर केलेली हाडांच्या प्रत्यारोपण शस्त्रक्रिया यशस्वी झाली आहे..संचेती रुग्णालयाच्या 'बोन बॅंक' संबंधी रुग्णालयाचे अध्यक्ष व व्यवस्थापकीय संचालक डॉ.पराग संचेती यांनी गुरुवारी झालेल्या पत्रकार परिषदेत माहिती दिली. यावेळी संचेती रुग्णालयाचे संस्थापक डॉ. के. एच. संचेती, अपघात उपचार विभागाचे प्रमुख डॉ. चेतन प्रधान, बोन बॅंकेचे प्रमुख व मणक्याचे शल्यविशारद डॉ. प्रमोद भिलारे, अस्थिरोग तज्ज्ञ डॉ. अभिनव भुते व डॉ. साहिल संघवी यावेळी उपस्थित होते..डॉ. भिलारे म्हणाले, 'एखाद्या रक्तपेढीप्रमाणेच 'बोन बॅंक'चे कार्य असते. एखाद्या रुग्णाच्या विशिष्ट शस्त्रक्रियेवेळी वाया जाणाऱ्या हाडांचे भाग त्यांच्या सहमतीने घेतले जातात. त्या हाडांची चाचणी व कडक निकषांनुसार तपासणी केली जाते. त्यानंतर ही हाडे उणे ८६ अंश सेल्सिअस इतक्या कमी तापमानात सहा महिने ठेवली जातात. त्यानंतर गरज असणाऱ्या रुग्णांवर शस्त्रक्रियेद्वारे हाडांचे प्रत्यारोपण केले जाते.'.डॉ. प्रधान म्हणाले, 'अपघात किंवा हाडांच्या विकार असलेल्या रुग्णांसाठी बोन बॅंकेचा चांगला उपयोग होतो. रुग्णालयात ११८ रुग्णांवर 'बोन बॅंके'तील हाडांचा वापर करून प्रत्यारोपण शस्त्रक्रिया करण्यात आली असून सर्व रुग्ण ठणठणीत आहेत. सध्या बोन बॅंक संचेती रुग्णालयातील रुग्णांसाठीच आहे.'.'रुग्णांच्या शस्त्रक्रियांमध्ये हाडे वाया जातात. या हाडांवर शास्त्रीय प्रक्रिया करून ते 'बोन बॅंके'च्या शीतगृहात ठेवल्यानंतर गरजू रुग्णांमध्ये प्रत्यारोपण करणे शक्य होत आहे. हाडांच्या प्रत्यारोपणासाठी पूर्वी मुंबईच्या टाटा रुग्णालयातील 'बोन बॅंके'मधून हाडे घ्यावी लागत होती. आता ही सुविधा संचेती रुग्णालयातच सुरु झाल्याने हाडांच्या रुग्णांना मोठा दिलासा मिळेल.'- डॉ. पराग संचेती..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
