मांडवगण फराटा - येथील ओढ्यातील पाण्याचा अंदाज न आल्याने दुचाकीसह पाण्यात वाहून जात असलेल्या ज्येष्ठाचे शालेय मुलीने धाडसाने प्राण वाचविले. मांडवगण फराटा (ता. शिरूर) येथील मांडवगण- कोळगाव रस्त्यावर सोमवारी (ता. २६) दुपारी १.३० वाजता ही घटना घडली..गोपीनाथ आबा शेलार (वय ६०), असे या घटनेत बचावलेल्या ज्येष्ठ व्यक्तीचे नाव आहे. अनुष्का धनंजय फराटे (वय १६), असे या घटनेत धाडस दाखवलेल्या मुलीचे नाव आहे. तिच्या या धाडसाचे कौतुक होत आहे..मांडवगण फराटा परिसरात रविवारी (ता. २५) मुसळधार पावसाने हजेरी लावली. त्यामुळे येथील सर्व ओढे- नाले तुडुंब भरून वाहू लागले आहेत. मांडवगण फराटा ते कोळगाव रस्त्याच्या ओढ्यावरील पुलाचे काम सुरु आहे. त्याच्या बाजूने वाहतुकीसाठी तात्पुरता रस्ता तयार केला आहे..गोपीनाथ शेलार हे सोमवारी याच रस्त्यावरून आपल्या दुचाकीवरून जात होते. त्यावेळी पुलावरील पाण्याची पातळी वाढल्याचा त्यांना अंदाज आला नाही. त्यांनी आपली दुचाकी पाण्यात घातल्यानंतर दुचाकीचा तोल गेल्याने ते पाण्यात पडले..खोल पाण्यात ते वाहून जात असताना सायकलवरून रस्त्याने जाणाऱ्या अनुष्काला हे दिसले. यावेळी पुलाच्या बाजूला उभ्या असलेल्या अनुष्का हिने क्षणाचाही विलंब न करता ओढ्यातील वाहत्या पाण्यात धाव घेतली. स्वतःच्या जिवाची पर्वा न करता पाण्यात जात शेलार व त्यांच्या दुचाकीला तिने पाण्यातून बाहेर काढले..अनुष्का ही छत्रपती सोसायटीचे माजी अध्यक्ष संभाजी फराटे यांची नात असून, ती मांडवगण फराटा येथील दहावीच्या वर्गात गेली आहे. तिच्या धाडसी वृत्तीचे सर्वच स्तरातून कौतुक केले जात आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
