मंदिरातील दानपेटी फोडून रोख रक्कम व इतर ऐवज लंपास | Sakal
sakal

बोलून बातमी शोधा

मंदिरात दानपेटीतून चोरी करताना चोर.

मंदिरातील दानपेटी फोडून रोख रक्कम व इतर ऐवज लंपास

किरकटवाडी - सिंहगड रस्त्याला लागून असलेल्या किरकटवाडी येथील मारुती मंदिरातील दानपेटी फोडून एका अज्ञात चोरट्याने मोठ्या प्रमाणात रोख रकमेसह इतर ऐवज लंपास केला आहे. पहाटे साडेचार वाजण्याच्या सुमारास घडलेली ही चोरीची पूर्ण घटना मंदिरातील सीसीटीव्ही कॅमेऱ्यांमध्ये कैद झाली आहे. दानपेटी फोडून चोरी होण्याची ही चौथी वेळ असल्याने व पोलीसांकडून योग्य कार्यवाही होत नसल्याने नागरिक संताप व्यक्त करत आहेत.

किरकटवाडी गावातील मुख्य चौकात असलेल्या मारुती मंदिरात सकाळी काकड आरती करण्यासाठी नागरिक आले असता त्यांना मंदिराच्या गाभाऱ्याचे कुलुप तोडलेले दिसले.आत जाऊन पाहिले असता दानपेटीही फोडलेली दिसली. नागरिकांनी सीसीटीव्ही कॅमेरे तपासले असता एक अनोळखी चोर दरवाजा तोडतानाची व दानपेटीचे कुलुप कटावणीने तोडून मोठ्या प्रमाणात रोख रक्कम दानपेटीतून बाहेर काढत असल्याची संपूर्ण घटना दिसून आली. याबाबत दशरथ करंजावणे व विजय हगवणे यांनी हवेली पोलीस ठाण्याला माहिती दिली. हवेली पोलीस ठाण्याचे प्रभारी अधिकारी आयपीएस तेगबीरसिंह संधु यांच्या मार्गदर्शनाखाली हवेली पोलीस ठाण्यातील कर्मचाऱ्यांनी मंदिरात पाहणी करून सीसीटीव्ही फुटेज ताब्यात घेतले आहे.

दानपेटी फोडण्याची चौथी वेळ

किरकटवाडी येथील याच मारुती मंदिरात असलेली दानपेटी फोडून चोरी होण्याची ही चौथी वेळ आहे. महत्वाचे म्हणजे एकदा ग्रामस्थांनी चोरांना पकडून हवेली पोलीसांच्या ताब्यात दिले होते परंतु त्यावेळी पोलीसांनी योग्य दखल घेतली नसल्याचा आरोप नागरिक करत आहेत.

चोरीच्या घटनांमध्ये वाढ

मागील काही दिवसांपासून हवेली पोलीस ठाण्याच्या हद्दीत चोरीच्या घटनांमध्ये वाढ झाली आहे. प्रत्येक गावामध्ये रात्रीची गस्त वाढवून चोरांचा बंदोबस्त करण्याची मागणी नागरिक करत आहेत.

Web Title: Break The Temple Donation Box Give Away Cash Other Loot

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top