पुणे - अवैध धंदे चालवणाऱ्याकडून पैसे घेतल्याच्या आरोपावरून सहकारनगर पोलिस ठाण्यातील सहाय्यक फौजदारासह पोलिस हवालदाराला निलंबित करण्यात आले आहे. पोलिस उपायुक्त मिलिंद मोहिते यांनी ही कारवाई केली..सहाय्यक फौजदार बापूसाहेब किसनराव खुटवड आणि पोलिस हवालदार अमोल प्रकाश पवार अशी निलंबित करण्यात आलेल्या कर्मचाऱ्यांची नावे आहेत. हे दोघेही सहकारनगर पोलिस ठाण्याच्या तपास पथकात कार्यरत होते..पोलिसांनी दिलेल्या माहितीनुसार, मार्च महिन्यात समाजमाध्यमावर एक व्हिडिओ प्रसारित झाला होता. या व्हिडिओमध्ये खुटवड आणि पवार हे अभिजित मारुती गायकवाड (वय ३६, रा. पर्वती दर्शन) या अवैध धंदे चालकाकडून पैसे घेत असल्याचे उघडकीस आले होते..त्यांची वर्तणूक पोलिस दलाच्या शिस्तीला गंभीर बाधा निर्माण करणारी आहे. या दोघांचे अवैध धंदेचालकाशी संबंध असल्याचे प्राथमिक चौकशीत समोर आले. या व्हायरल व्हिडिओमुळे जनमानसात पोलिस दलाची प्रतिमा मलिन झाल्याचा ठपका ठेवत, पोलिस उपायुक्त मिलिंद मोहिते यांनी या दोघांवर निलंबनाची कारवाई केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
