पुणे - पूर्ववैमनस्यातून एका तरुणावर कोयत्याने वार केल्याची घटना कोथरूडमधील केळेवाडी परिसरात घडली. या हल्ल्यात तरुण गंभीर जखमी झाला असून, कोथरूड पोलिसांनी चौघांसह त्यांच्या इतर साथीदारांवर गुन्हा दाखल केला आहे..आदित्य ऊर्फ सनी राजू गाडे (वय-२१, रा. केळेवाडी, कोथरूड) असे गंभीर जखमी झालेल्या तरुणाचे नाव आहे. याप्रकरणी एका महिलेने (वय १९) कोथरूड पोलिस ठाण्यात फिर्याद दिली आहे. त्यानुसार पोलिसांनी राहुलसिंग टाक, अनिलसिंग टाक, पिंटूसिंग दुधाणी, सुखासिंग दुधाणी आणि त्यांच्या इतर साथीदारांविरुद्ध गुन्हा दाखल केला आहे..पोलिसांनी दिलेल्या माहितीनुसार, फिर्यादी यांच्या नात्यातील एका तरुणीला आरोपी राहुलसिंग टाक याने काही दिवसांपूर्वी पळवून नेले होते. या प्रकारामुळे गाडे आणि टाक कुटुंबीयांमध्ये वाद झाला होता. याच रागातून काही दिवसांपूर्वी सांगली जिल्ह्यातील आष्टा परिसरात आदित्य आणि त्याच्या साथीदारांनी राहुलसिंग याच्यावर शस्त्राने वार केले होते. याच जुन्या वादातून आरोपी राहुलसिंग आणि त्याच्या साथीदारांनी आदित्यवर पाळत ठेवली होती..तीन मे रोजी रात्री आदित्य हा केळेवाडी परिसरातून जात असताना आरोपींनी त्याला रस्त्यात अडवले. आरोपींनी त्याला लाथाबुक्क्यांनी मारहाण करून कोयत्याने त्याच्यावर वार केले. या हल्ल्यात आदित्य गंभीर जखमी झाला आहे. या घटनेची माहिती मिळताच सहाय्यक पोलिस आयुक्त सुजाता तानवडे आणि कोथरूडचे वरिष्ठ पोलिस निरीक्षक संदीप देशमाने यांनी घटनास्थळी भेट दिली. आरोपींचा पोलिसांकडून शोध घेतला जात आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
