नारायणगाव : येथील पुणे नाशिक महामार्गावर भरधाव वेगाने जाणाऱ्या बुलेटची पादचाऱ्याला धडक बसल्याने पादचारी गंभीर जखमी झाला. अपघातानंतर बुलेटस्वार खाली पडला मात्र बुलेट महामार्गावरून सुमारे तीनशे फूट पुढे भरधाव वेगाने गेली. यामुळे महामार्गावर चालकाविना सुसाट वेगाने जाणारी बुलेट असा थरार पहिला मिळाला. ही घटना ९ ऑगस्ट २०२१ रोजी सायंकाळी साडेसहा वाजण्याच्या सुमारास घडली.
या बाबत माहिती अशी, नारायणगाव येथील भंगार व्यावसायिक तलवार ( पुर्ण नाव माहित नाही) सोमवारी सायंकाळी येथील पुणे-नाशिक महामार्गावरून बुलेटवर भरधाव वेगाने जात असताना पादचारी जनार्धन दत्तू गांजवे(वय ४७, गांजवेवाडी, ता. जुन्नर) यांना बुलेटची धडक बसली. यावेळी चालक तलवार बुलेटवरून खाली पडले मात्र, बुलेट चालकाविना महामार्गावरून तशीच सुमारे तीनशे फूट पुढे गेली. त्यानंतर एक जीपला आडवी जाऊन महामार्गाच्याकडेला जाऊन खाली पडली.
चालकाविना धावणारी बुलेट पाहून प्रसंगवधान साधून चालकाने जीप थांबवल्याने अनर्थ टळला. मात्र यामुळे महामार्गावर चालकाविना सुसाट वेगाने जाणारी बुलेट असा थरार काही क्षण पहिला मिळाला. ही घटना येथील परेरा पेट्रोल पंप येथील सीसीटीव्हीत कैद झाली.
या अपघातात पादचारी जनार्धन दत्तू गांजवे हे गंभीर जखमी झाले असून त्यांचे हात व पाय फ्रॅक्चर झाले असल्याची माहिती डॉ. हनुमंत भोसले यांनी दिली. या प्रकरणी माहिती घेऊन गुन्हा दाखल करण्यात येईल अशी माहिती नारायणगाव पोलीस स्टेशनचे सहायक पोलिस निरीक्षक पृथ्वीराज ताटे यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.