पुणे, ता. 24 : राज्यात कोरोनाचा प्रसार झपाट्याने वाढत असून, सध्या पोलिस दलावर कामाचा मोठ्या प्रमाणात ताण पडत आहे. अशा परिस्थितीत राज्यातील सर्व जिल्ह्यांतील प्रतीक्षा यादीतील उमेदवारांचा विचार करून पोलिस सेवेत रुजू करून घेण्यात यावे, अशी मागणी संभाजी ब्रिगेडने राज्य सरकार आणि गृहमंत्री अनिल देशमुख यांच्याकडे केली आहे.
खुषखबर! 'महावितरण'मध्ये सात हजार तंत्रज्ञांची भरती
पोलिस दलातील काही कर्मचारी सेवानिवृत्त झाले आहेत. मागील दोन वर्षांपासून पोलिस भरती झालेली नसल्यामुळे प्रत्येक पोलिस ठाण्यात लोकसंख्येच्या प्रमाणात संख्याबळ कमी आहे. त्यामुळे पोलिस खात्यावरील ताण वाढत आहे.
कोरोनामुळे राज्यातील आर्थिक स्थिती पाहता नोकर भरतीची शक्यता कमीच आहे. त्यात पोलिस भरतीत भाग घेणाऱ्या उमेदवारांचे वय वाढत चालले आहे. तर, काही उमेदवार वयोमर्यादेतून बाहेर पडत आहेत. पोलिस भरती प्रतीक्षा यादीतील प्रकल्पग्रस्त, होमगार्ड, धरणग्रस्त, पोलिस पाल्य, माजी सैनिक आणि सर्वसामान्य उमेदवारांचा विचार करून पोलिस भरती प्रतीक्षा यादी (सन 2018) मधील उमेदवारांची निवड करून नोकरीत रुजू करावे अशी मागणी संभाजी ब्रिगेडचे जिल्हाध्यक्ष संतोष शिंदे यांनी गृहमंत्री देशमुख यांच्याकडे केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.