पुणे - कुख्यात बंडू आंदेकर टोळीने जमिनीवर कब्जा करून पाच कोटी ४० लाख रुपयांची खंडणी उकळल्याचे समोर आले आहे. या प्रकरणी समर्थ पोलिस ठाण्यात गुन्हा दाखल केला आहे. .बंडू आंदेकर आणि त्याच्या हस्तकांनी कोणावर अत्याचार, जमिनीवर कब्जा किंवा खंडणी मागितली असल्यास नागरिकांनी पुढे यावे, असे आवाहन पोलिस आयुक्त अमितेश कुमार यांनी केले होते. या आवाहनानंतर एका व्यक्तीने गुन्हे शाखेत याबाबत तक्रार दिली..पोलिसांनी दिलेल्या माहितीनुसार, बंडू आंदेकर आणि त्याचा साथीदार मनीष ऊर्फ मनोज वर्देकर याने तक्रारदाराची नाना पेठेतील जमीन संगनमताने बळकावली. कोणताही मालकी हक्क नसताना त्यांनी बेकायदेशीर बांधकाम केले. भाडेकरूंकडून आणि परिसरातील मोकळ्या जागेतून आजवर पाच कोटी ४० लाख रुपये खंडणीच्या स्वरूपात वसूल केले..तक्रारदाराने बांधकामासाठी जमीन रिकामी करण्याची विनंती केली असता आंदेकरने दोन दुकाने किंवा दीड कोटी रुपये आणि महापालिकेतील काम पुढे नेण्यासाठी ३० लाख रुपयांची खंडणी मागितली. अन्यथा काम करण्यास अडथळा आणून जीवे मारण्याची धमकी दिली..या तक्रारीनुसार पोलिसांनी आंदेकर टोळीवर गुन्हा दाखल केला. पोलिस आयुक्त अमितेश कुमार, पोलिस सहआयुक्त रंजनकुमार शर्मा, अतिरिक्त आयुक्त पंकज देशमुख, पोलिस उपायुक्त निखिल पिंगळे यांच्या मार्गदर्शनाखाली ही कारवाई करण्यात आली. पुढील तपास वरिष्ठ निरीक्षक उमेश गित्ते करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
